Cəlilabadda iki avtomobil toqquşub, xəsarət alan var - FOTO - YENİLƏNİB

Cəlilabad rayonunda "QAZel" markalı yük maşını ilə "Jeep" markalı minik avtomobilinin toqquşması nəticəsində xəsarət alan şəxsin kimliyi məlum olub.

Median.Az-ın report-a istinadən məlumatına görə, bu, "QAZel" markalı yük avtomobilinin sürücüsü, Cəlilabad rayon sakini Şükürov Asif Əli oğludur. O, xəstəxanaya döş qəfəsinin əzilməsi diaqnozu ilə daxil olub.

Faktla bağlı araşdırma aparılır.

***

Cəlilabad rayonunda yol qəzası baş verib.

Median.Az-ın report-a istinadən məlumatına görə, hadisə Heydər Əliyev prospektində qeydə alınıb.

Belə ki, "QAZel" markalı yük maşını ilə "Jeep" markalı minik avtomobili toqquşub. Nəticədə "QAZel"in sürücüsü müxtəlif dərəcəli bədən xəsarətləri ilə Cəlilabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.