“Ural Hava Yolları” şirkəti aprelin 5-dən Samara - Bakı - Samara reysini həyata keçirməyə başlayacaq.
Aviaport.ru portalının məlumatına görə, birbaşa reyslər “Airbus A320” təyyarələri ilə hər həftənin cümə günü həyata keçiriləcək.
Təyyarə Samaradan 13:10-da havaya qalxacaq və 15:45-də Bakıya eniş edəcək. Eləcə də həmin gün Bakıdan 16:45-də qalxan layner 19:10-da Samara aeroportuna enəcək.
Biletlərin bir istiqamət üzrə minimal tarifi 97 avrodur.
Nəşr yazır ki, Azərbaycan paytaxtında istirahət bütün ailə üzvlərinin ürəyincədir:
“Atəşgah məbədini ziyarət edin, Heydər Əliyev mərkəzinə gedin, Xalça muzeyinə baş çəkin və ya Qız qalasının sirrini açmağa çalışın! Bakını London taksilərində gəzmək daha da zövq verir”.
Şahidi olduğunuz hadisələri çəkib bizə göndərin!
Son Əlavə