Bir gün əvvəl işğaldan azad edilmiş Azərbaycan ərazilərinə səfərindən Moskvaya qayıdan məşhur rusiyalı ictimai xadim, politoloq, Siyasi Araşdırmalar İnstitutunun baş direktoru Sergey Markov Rusiya Xarici İşlər naziri Sergey Lavrovun İrəvana səfərini şərh edib.
“Görünən budur ki, tərəflər - Rusiya və Ermənistan - bir-birlərini eşitmirlər, tamamilə başqa şeylərdən danışırlar”, - deyə o Caliber.Az-a müsahibəsində deyib.
“Mövzuya səfərin Ermənistanda keçiriləcək növbədənkənar parlament seçkiləri fonunda baş verməsindən başlayacağam. Moskva qərar verməlidir: kimisə dəstəkləyəcəkmi? İki seçim var.
Birincisi, daha çox rusiyapərəst və s. kimi Robert Koçaryanın qruplaşmasını dəstəkləmək. Ancaq problem ondadır ki, Robert Koçaryan Nikol Paşinyandan daha az populyardır və onun tərəfdarları Qarabağ məsələsi və müharibənin nəticəsi üçün intiqam almağa meyllidirlər.
İkincisi, Nikol Paşinyandır. Ancaq Rusiya Federasiyası rəhbərliyi Ermənistanda baş nazir vəzifəsini icra edən Nikol Paşinyanın Qərblə bağlı siyasətində aydınlıq istəyir”, - deyə o bildirib.
Siyasətçi qeyd edib ki, Rusiya bir müddətdən sonra seçkilərdə istədiyi nəticəni alan Nikol Paşinyanın yenidən qərb istiqamətinə dönəcəyindən ehtiyat edir:
“Moskva Paşinyanın Qərbə tərəf dönməməsi üçün siyasətində bəzi geri dönməz dəyişikliklər etmək istəyər. Bioloji Təhlükəsizlik Memorandumu elə ABŞ biolaboratoriyaları və qərblilər üçün rəmzi məna daşıyan digər şeylərlə əlaqədar yaradılıb.
Rusiya neytral mövqe tutarsa, bu, Nikol Paşinyanın həm nisbətən çox olan populyarlığından, həm də administrativ resurslarından istifadə edərək qalib gəlməsini təmin edəcək. Moskva qərar verməlidir. Əslində bu, Rusiya nöqteyi nəzərdən Sergey Lavrovun İrəvanda hazırkı danışıqlarının mahiyyətini təşkil edir”.
Markovun sözlərinə görə, İrəvan isə bu məqamdan istifadə edib nəyinsə bazarlığını etməyə çalışırdı:
“Deyirlər ki, bəli, biz (Ermənistan) imzaladıq (10 noyabr 2020 və 11 yanvar 2021-ci il tarixli bəyanatlar), lakin gəlin yenidən imzalayaq, statusu yada salaq, mina xəritələri ilə bağlı bazarlıq edək. Beləliklə, Rusiya və Ermənistanın iki fərqli gündəliyi var idi, lakin bu çox vaxt belə olur.
Və çox şey Sergey Lavrovun mövqeyinin sərtliyindən asılı olub və asılıdır. Əsas, bağlanmış müqavilələrə yenidən baxılması yox, İrəvanın onları necə həyata keçirməsidir”.
Şahidi olduğunuz hadisələri çəkib bizə göndərin!
Son Əlavə