Bu gün Bakı Ağır Cinayətlər Məhkəməsində yeddi yaşlı uşağı öldürməyə cəhddə təqsirləndirilən 1998-ci il təvəllüdlü Mövsüm Bağırovun cinayət işi üzrə məhkəmə prosesi davam etdirilib.
Hakim Azər Paşayevin sədrliyi ilə keçirilən prosesdə prokuror ittiham aktını elan edib.
O qeyd edib ki, M.Bağırov hadisəni anlaqsız vəziyyətdə törədib.
Məhkəmə onun barəsində yenidən tibbi-ekspertiza təyin edib və Mövsüm Bağırov Maştağada yerləşən 1 saylı Respublika Psixiatriya Xəstəxanasına göndərilib.
Qeyd edək ki, hadisə bu il Bakının Xəzər rayonunda qeydə alınıb. 1998-ci il təvəllüdlü M.Bağırov qonşuluqda olan yeddi yaşlı Alı Vəliyevin başına daş çırparaq öldürməyə cəhd edib.
Xəstəxanaya çatdırılan yaralının həyatını xilas etmək mümkün olub.
Hadisəyə səbəb yeddi yaşlı uşağın M.Bağırovun üzərinə pirotexniki maddə atması olub.
Polis tərəfindən saxlanan M.Bağırovun barəsində Cinayət Məcəlləsinin 29.120-ci (adam öldürməyə cəhddə) maddəsi ilə ittiham irəli sürülüb.
Şahidi olduğunuz hadisələri çəkib bizə göndərin!
Son Əlavə