ABŞ prezidenti Donald Tramp Amerika pilotsuz uçuş aparatının İran tərəfindən vurulmasını “böyük səhv” adlandırıb.
Median.Az xəbər verir ki, prezident bu haqda tvitter hesabında yazıb.
“İran çox böyük səhv etdi”, - o bildirib.
Qeyd edək ki, İran İslam İnqilabı Keşikçilər Korpusu ölkənin cənub hissəsində İranın hava məkanını pozan Amerika pilotsuz təyyarəsini vurduqlarını açıqlayıb. ABŞ Silahlı qüvvələrin Mərkəzi Komandanlığı (CENTCOM) isə təyyarənin İran zenit-raket kompleksi tərəfindən Hörmüz boğazının üzərində vurulduğunu bəyan edib.
ABŞ administrasiyadakı mənbələrə istinadən NBC telekanalının xəbərinə görə, cümə günü Ağ Evdə müşavirə keçiriləcək. Müşavirədə İranın hərəkətlərinə cavab variantları müzakirə ediləcək.
Daha əvvəl ABŞ prezidenti bildirmişdi ki, İranla müharibədən qaçmağa ümid edir, amma bu variant istisna edilmir.
Şahidi olduğunuz hadisələri çəkib bizə göndərin!
Son Əlavə