Çoxmənzilli binalarla bağlı icazə forması təsdiqləndi - QƏRAR

Baş nazir Novruz Məmmədov “çoxmənzilli yaşayış binasının istismarına icazənin forması”nı təsdiq edib.

Qərarla 2019-cu il yanvarın 1-dək bütün mərtəbələrin, yan divarlarının və dam örtüyünün inşası daxil olmaqla, tikinti-quraşdırma işləri başa çatmış, istismar edilən mənzilləri olan binalar üzrə icazələrin verilməsi nəzərdə tutulur.

Formada tikinti obyektinin yeri, onun tikintisinə icazə verən oqranın adı, istismar təyinatına dair məlumatlar tələb olunur.

Tikintiyə icazə ilə bağlı hər hansı sənədlər mövcuddursa, bunlar da icazə formasında öz əksini tapmalıdır.

Qərarda göstərilir ki, Fövqəladə Hallar Nazirliyi tərəfindən aparılmış müayinənin nəticələrinə əsasən, yükdaşıyan konstruksiyaların dayanıqlılıq, möhkəmlilik baxımından istismara yararlılığı, yanğın təhlükəsizliyi tələblərinə cavab verməsi, liftlərin və mühəndis-kommunikasiya təminatı sistemlərinin istismara hazırlığı barədə verilmiş müsbət rəy nəzərə alınaraq, istismara icazə veriləcək.

İcazə forması ilə ətraflı tanış olmaq üçün link: https://cabmin.gov.az/az/document/3475/

//oxu.az
скачать dle 11.3

Şahidi olduğunuz hadisələri çəkib bizə göndərin!