Nənəsi öldü, 2 il pensiyasını alıb xərclədi » Median.Az - Bütün xəbərlər bir ünvanda
23:00 İki radio kanalına ümumölkə yerüstü yayımçısı lisenziyası verildi  |     22:53 Hərbi qulluqçumuz intihar etdi: Cinayət işi başlanıldı  |     22:45 Ermənistanda itkin düşən Ruslan Pənahov Azərbaycana təhvil veriləcək - YENİLƏNİB  |     22:39 Martda hansı bürclər evdən daha az çıxıb daha diqqətli olmalıdırlar?  |     22:30 Azərbaycanda su qıtlığının qarşısını almaq üçün hansı işlər görülür? - AÇIQLAMA  |     22:19 Metsamor AES İğdırı zəhərləyir  |     22:11 Bakıda 68 yaşlı kişi itkin düşüb  |     21:53 Belçika paytaxtında terror aktının qarşısı alınıb  |     21:46 İntihar edən 13 yaşlı qızla bağlı İDDİA: “Anasının hərəkətindən çox utanırdı”  |     21:38 Azərbaycanda meyit donordan orqan götürülməsi mümkün olacaq? - VİDEO  |     21:30 Gömrük Akademiyasının iki əməkdaşını vuraraq öldürən sürücüyə hökm oxundu  |     21:22 Aİ gələn ildən Ukrayna qazının tranzitindən imtina edəcək  |     21:16 Suraxanıda “Azərsu” əməkdaşı borca görə su borusunu kəsib? - AÇIQLAMA + VİDEO  |     21:08 Bakının bəzi ərazilərində qazın verilişində məhdudiyyətlər olacaq  |     20:53 Oğuzda iki avtomobil toqquşub, xəsarət alan var  |     20:35 Bayden Ukraynadakı vəziyyətə görə Rusiyaya qarşı sanksiyaları daha bir il uzadıb  |     20:24 Miqrantların Aİ ölkələrindən deportasiyası artıb  |     20:10 Avropa İttifaqı "Apple"ı külli miqdarda cərimələdi  |     20:08 Bakıda sahibsiz itlərlə hansı qurum mübarizə aparır?  |     20:07 "Neftçi"nin bazasına hücum edənlər CƏZALANDIRILIBLAR  |    

Nənəsi öldü, 2 il pensiyasını alıb xərclədi

Lənkəranda 91 yaşlı nənəsinin ölümünü 2 il gizlədib, pensiyasını alan nəvəyə hökm oxunub.

Qaynarinfo-nun məlumatına görə, 7 fevral 2021-ci il tarixində 1932-ci il təvəllüdlü Rəvayət Miriyeva koronavirus infeksiyasından dünyasını dəyişib.

Elə həmin il koronavirus infeksiyasının yayılması ilə bağlı ölkə ərazisində, o cümlədən Lənkəran rayonunda karantin rejimi tətbiq edildiyinə görə Rəvayət Miriyeva üçün yas mərasimi təşkil edilməyib və mərhum Böyük Bazar qəbirstanlığında dəfn olunub.

Rəvayət Miriyevanın nəvəsi Niyaz Miriyev onun pensiya kartını özünə məxsus "VAZ 2107" markalı avtomobilində saxlayıb və ölümü haqqında müvafiq qurumlardan şəhadətnamə almayıb. Niyaz Miriyev elə həmin tarixdən 2023-cü ilin fevral ayınadək nənəsinin aylıq 280 manat pensiyasını kartdan çıxararaq, öz şəxsi ehtiyaclarına xərcləyib.

Niyaz Miriyev 2023-cü ilin mart ayında Lənkəran şəhər bələdiyyəsindən və Lənkəran Ailə Sağlamlıq Mərkəzindən nənəsinin guya 6 mart 2023-cü il tarixində ölməsi "faktını" qeyd etdirərək, saxta arayış alıb. İşin üstü açıldıqdan sonra onun barəsində Cinayət Məcəlləsinin 179.2.4 və 320.2-ci maddələri ilə cinayət işi açılıb və baxılması üçün məhkəməyə göndərilib.

Niyaz Miriyev Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsə dəyimiş zərəri ödədiyindən məhkəmə onun barəsində Cinayət Məcəlləsinin 179.2.4-cü maddəsi ilə olan işə xitam verib. Əvəzində Cinayət Məcəlləsinin 320.2-ci maddəsi ilə nəzərdə tutulan cinayət əməlini törətməkdə təqsirli bilib və aylıq qazancından dövlət nəfinə 20 faiz məbləğdə pul tutulmaqla bir il müddətə islah işləri cəzasına məhkum edib.скачать dle 11.3







Şahidi olduğunuz hadisələri çəkib bizə göndərin!




            396 08.12.23 21:05