Azərbaycanda hotellərin vergisi azaldı: Fantastik qiymətlər enəcəkmi? » Median.Az - Bütün xəbərlər bir ünvanda
17:55 Saatlıda idarədə ölüm: Elektrik cərəyanı can aldı  |     17:12 Qəzzada ölənlərin sayı 30 mini keçib  |     16:55 Bakıda üç nazirlikdən ƏMƏLİYYAT: Silah-sursatı götürüb, qumbaranı partlatdılar  |     15:54 Lavrov: “Azərbaycan tərəfi üçtərəfli razılaşmalardakı məsələlərin həllinin tərəfdarı olduğunu təsdiqləyir”  |     15:35 Gəncədə iki evdə yanğın olub  |     15:19 Milli parkda “tok”la ov edən şəxs saxlanıldı  |     15:09 Xankəndi-Bakı ultramarafonunun ikinci mərhələsinin qalibi müəyyənləşib - FOTO  |     15:07 “Azəriqaz”dan ödənişlərlə bağlı XƏBƏRDARLIQ: Fasilə olacaq  |     15:05 İstirahət gününün HAVA PROQNOZU  |     14:56 Nazirlikdə qazinin çənəsini sındıran idmançıya hökm oxunub - VİDEO  |     14:52 Xankəndidə cəbbəxana aşkarlandı  |     14:50 Narkoman sürücü Bakıda insanların həyatını təhlükəyə atdı - VİDEO  |     14:48 Bakıda yuxuya dalan yeddi yaşlı uşaq valideynlərini təşvişə saldı - VİDEO  |     14:46 Göygölün dörd kəndində əməliyyat: Polislər xeyli silah-sursat aşkarladılar  |     14:37 Azərbaycan nefti bahalaşıb  |     14:21 Azərbaycanın BMT-yə üzv olmasından 32 il keçdi  |     14:20 Argentinada ölkənin yeganə xəbər agentliyi bağlanır  |     14:18 Yevlaxda qətl: Qadının əri könüllü təslim oldu  |     14:17 Dünya bazarında neft qiymətləri kəskin artıb  |     14:16 Neftçalada 30 yaşlı kişi intihar edib  |    

Azərbaycanda hotellərin vergisi azaldı: Fantastik qiymətlər enəcəkmi?

Azərbaycanda fəaliyyət göstərən hotel və sanatoriyalara bəzi güzəştlər nəzərdə tutulub. Bununla bağlı Vergi Məcəlləsinə dəyişiklik edilib. Dəyişikliyə görə, yanvardan Azərbaycanın regionlarında hotel və sanatoriyaların əmlak vergisi 3 il müddətinə 75 faiz azaldılacaq.

Nəzərdə tutulan güzəşt yalnız regiondakı hotel və sanatoriyalara aid ediləcək. Bakı, Sumqayıt, Xırdalan şəhərləri və Abşeron rayonu isə istisnadır.

Bizim.media hazırda bölgələrdə yerləşən bəzi hotellərin xidməti və qiymətlərini araşdırıb.

Şabranda fəaliyyət göstərən hotellərdən birində standart otaqda birgecəlik istirahətin qiyməti 150 manatdan başlayır. Ödənilən məbləğin 22 manatdan bir az artıq hissəsinin isə vergi və rüsumlara görə ödənildiyi qeyd edilib.

Şahdağ yaxınlığındakı hoteldə birgecəlik xidmətlərdən istifadə etmək 238 manata başa gəlir. Hoteldə fərqli xidmətlər və təbiət mənzərəsinə görə qiymət dəyişir, yəni həmin hoteldə gecəsi 7 000 manata da gecələmək mümkündür.

Şəkidə və ölkənin cənubundakı hotellərdə də birgecəlik istirahətin qiyməti 150, 170 manatdan başlayır. Qeyd edək ki, qiymətlər təklif olunan xidmətə görə dəyişir. Göstərilən qiymətlər bir gecəlik və bir otağın qiymətidir.

Qiymətlərin yüksək olmasından şikayətlənən və buna görə hotel xidmətlərindən istifadə etməyənlər var.

Maraqlıdır, yeni güzəştlər bölgələrdə hotellərin qiymətinə necə təsir edəcək, azalma olacaqmı?

Turizm üzrə ekspert Əziz Şiriyev güzəştin qiymətlərə gözlənilən qədər təsir etməyəcəyini deyib:

“Qiymətlərin dəyişməsi mövsümdən asılıdır. Vergilərdəki azalmanın qiymətlərə o qədər də təsiri olmayacaq. Amma güzəştlərin olması turizm sahəsinə çox böyük müsbət təsir göstərir. İqtisadiyyatın qızıl qanunu tələb-təklif məsələsidir. Biz indidən hotellərə zəng eləsək, Yeni il bayramına heç bir hoteldə boş yer tapmayacağıq. Bu o demək deyil ki, bunların hamısı fərdi şəxslərə satılıb. Bəzi otaqları kimsə alıb, blok edib.

Amma ümumilikdə götürəndə hotel otaqları tamam satılıb. Gələn il hotel sahibi bundan 100 manat artıq qiymət tətbiq eləsə, yenə də satılacaq. O da tələbatın olduğunu görür. Düşünür ki, mən bunu bu qiymətə sata bilirəmsə, niyə ucuz satmalıyam? Əgər kimsə getməsə, otaqlar boş qalsa, qiymətlər enər. Hotel sistemində belə bir şey var, ən bahalı otaq satılmayan otaqdır, çünki xərcləri üstündədir. Amma 50 faiz endirimlə satmış olsa, xərcləri bağlamış olur”.

Ekspert qeyd edib ki, qanun qüvvəyə minəndən sonra hotel qiymətlərində dəyişikliyin olub-olmamasını görmək mümkündür:

“Çox insan nə o xəbərlərə baxır, nə də hotellərlə maraqlanır. Yekun ödəyəcəyi məbləği ödəyir, vəssalam. İctimai qınaq olsa, görsələr ki, insanların çoxu bununla maraqlanır və qiymətlərin nəyə görə dəyişməməsindən şikayətlənir, onda istər-istəməz otellər özlərinə, qiymətlərinə “çəki-düzən” verəcəklər. Düşünürəm ki, yanvardan sonra o istiqamətdə addımlar atılacaq”.

Ekspert hesab edir ki, əhali daha çox beşulduzlu hotellərə üstünlük verir:

“Niyə ancaq biz istəyirik ki, maşınla gedib ancaq beşulduzlu hotellərdə qalaq? Təklifim odur ki, turizm şirkətlərinə müraciət eləsinlər. Müraciət etsələr, münasib qiymətə yüksək xidmətli dördulduzlu hotellər tapa bilərlər. Avtomobil sürüb, yanacaq sərf edib, yorulmamaq üçün qrup şəklində də gedə bilərlər”.скачать dle 11.3







Şahidi olduğunuz hadisələri çəkib bizə göndərin!




            564 05.12.23 12:36