Zəngilan rayonunda “Dost Aqropark”ın təməli qoyulub » Median.Az - Bütün xəbərlər bir ünvanda
19:50 Daha 62 “MilliÖn” ödəmə terminalı “BakıKart” sisteminə inteqrasiya olunacaq  |     19:46 Bakı, Sumqayıt və Abşeron üzrə pensiyalar ödənilib  |     19:42 Gürcüstandan ölkəyə narkotik vasitənin keçirilməsinin qarşısı alınıb  |     19:34 Göyçayda bacısı qızını yastıqla boğaraq öldürən dayıya hökm oxunub  |     19:27 AVRO-2023: Azərbaycan millisinin rəqibləri bəlli olub  |     19:22 Rusiyada ötən gün 1 179 nəfər COVID-19-dan ölüb  |     19:15 Azərbaycan və İran nəqliyyat məsələlərini müzakirə edib  |     19:09 Azərbaycana fərdi zirehli geyimlərin və minaaxtaran itlərin idxalı 5 il müddətinə vergidən azad edilir  |     19:01 Oğuzda şadlıq sarayından oğurluq edən şəxs saxlanılıb  |     18:55 Hindistan yeni zenit raketini uğurla sınaqdan keçirib  |     18:47 Bayden və Zelenski arasında danışıqların vaxtı məlum olub  |     18:29 Bu il Azərbaycanda uşaqlara ən çox qoyulan adlar açıqlanıb  |     18:26 Bakıda kişi özünü çoxmərtəbəli binadan atdı  |     18:24 Azərbaycanda yeni dizaynlı metal pullar dövriyyəyə buraxıldı  |     18:04 Mikayıl Cabbarov Azərbaycan Güləş Federasiyasının prezidenti seçildi  |     17:54 20 manatlıq pul əsginası yeniləndi  |     17:52 Koronavirus xəstəsi olan qadın mağazada aşkarlandı - VİDEO  |     17:43 Bakıda mənzildən 20 min manatlıq qızıl oğurlayan kameraya düşdü - VİDEO  |     17:39 Avropada təbii qazın qiyməti 1 200 dolları keçdi  |     17:36 Polis Bakı metrosunda intihar etmək istəyən müharibə iştirakçısının qarşısını belə aldı - VİDEO  |    

Zəngilan rayonunda “Dost Aqropark”ın təməli qoyulub
Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan oktyabrın 26-da Zəngilan rayonunda “Dost Aqropark”ın təməlini qoyublar.

"Report" xəbər verir ki, dövlət başçıları əvvəlcə aqroparkın ərazisində çinar ağacı əkiblər.

Sonra prezidentlər Anadolu Agentliyinin Vətən müharibəsini özündə əks etdirən fotosərgisinə baxıblar.

Türkiyə Respublikasının Prezidenti Rəcəb Tayyib Ərdoğan ön sözünü yazdığı və Anadolu Agentliyi tərəfindən hazırlanan “Qarabağ Zəfəri” kitabını Prezident İlham Əliyevə təqdim edib.

Tədbirin aparıcısı Günel Mövsümova deyib: "Bəli, zəngilanlılar bu ili 27 il idi gözləyirdi. 27 il biz bunun xəyalları ilə yaşadıq. Bu xəyallarla yaşayan keçmiş məcburi köçkünlərdən biri də mən idim. 27 il idi mən Zəngilanın işğaldan azad olunma xəbərini bir jurnalist olaraq səsləndirmək xəyalı ilə yaşadım və xəyallar gerçək oldu. Bəli, bu gün tarixi gündür. Bu gün Zəngilanın torpaqlarına can verilən gündür. Bu gün o torpaqları cənnət məkana çevirdiyimiz gündür. İndi Zəngilan yenidən qurulur və əvvəlkindən də gözəl əzəmətə qovuşur.

Cənab prezidentlər və əziz qonaqlar. Bildiyimiz kimi, bu torpaqlar 27 il ərzində erməni vandalları tərəfindən tar-mar olundu, daş üstündə daş qalmadı. Evlərimiz talan olundu. O evlərdən biri də mənim evim idi. 27 ildən sonra öz torpağıma qayıdarkən evimin bir daşını belə tapa bilmədim. Nəinki evlərimiz, meşələrimiz, ağaclarımız tar-mar olundu. 27 ildən sonra biz qardaş Türkiyə ilə əl-ələ verib bu torpaqları yenidən ayağa qaldırırıq. Bu torpaqlara yenidən can verməyə gəlmişik, viran qalmış torpaqlarımızı cənnətə çevirməyə gəlmişik.

İndi icazə verin, “Dost Aqropark” ilə tanış olaq".

Türk və azərbaycanlı sərmayədarlar tərəfindən Zəngilanda həyata keçiriləcək "Dost Aqropark" layihəsi üç mərhələdə icra olunacaq. Layihənin birinci mərhələsində inzibati binalar, qapalı və yarıaçıq heyvandarlıq kompleksləri, sosial obyektlər, kafe, kinoteatr, istirahət zonası, xidməti heyətin qalması üçün binalar tikiləcək. Kompleksdəki otlaq sahələrində 4 min baş cins qaramalın yetişdirilməsi, əkinçilik məhsulları istehsalı və digər fəaliyyətlər də həyata keçiriləcək. Bütün bunlar Azərbaycanın və Türkiyənin qida təhlükəsizliyinə töhfə verəcək, bölgənin əkinçilik və heyvandarlıq məhsullarının beynəlxalq bazarlara çıxarılmasına imkan yaradacaq.

Dövlət başçıları "Dost Aqropark"ın təməlini qoyublar.

Layihə başa çatdıqda 6 min hektar sahədə bitki mənşəli istehsal və texnika sahələri yaradılacaq, 10 min baş cins heyvanın yetişdirilməsi üçün maldarlıq, eləcə də toxumçuluq və şitilçilik sahələri salınacaq. Bununla yanaşı, bütün bölgəyə hədəflənən inteqrasiya olunmuş ət emalı və qablaşdırma müəssisəsi qurulacaq, tutumu 100 min ton olan kənd təsərrüfatı anbarı sistemi inşa ediləcək.

Daha sonra aqroparkda əkinə start verilib.

Prezidentlər "Dost Aqropark"ın fəaliyyətinə xeyir-dua veriblər.

Kompleks, həmçinin bölgənin toxum, gübrə və kənd təsərrüfatı ləvazimatlarına tələbatını ödəyəcək. "Dost Aqropark" kompleksində ağıllı kənd təsərrüfatı texnologiyaları, bərpaolunan enerji və dayanıqlı kənd təsərrüfatı mexanizmlərinə əsaslanan fəaliyyət qurulacaq. Aqropark tam işə düşdükdən sonra burada 500 nəfərə iş imkanı yaradılacaq.

16:46
Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan oktyabrın 26-da Zəngilan rayonunda “Dost Aqropark”ın təməlini qoyublar.

"Report" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

скачать dle 11.3





Şahidi olduğunuz hadisələri çəkib bizə göndərin!




            615 26.10.21 22:15