Oqtay Əsədovla Fəttah Heydərovun iclaslara gəlməməsi ilə bağlı - Açıqlama

“Deputatlarla bağlı İntizam Komissiyasına heç bir şikayət daxil edilməyib. Hər şey qaydasındadır”.

Median.Az modern.az-a istinadən xəbər verir ki, bu fikirləri Milli Məclisin İntizam Komissiyasının sədri Eldar İbrahimov deyib.

Komissiya sədri yaşı 65-dən yuxarı olan deputatlar Oqtay Əsədov və Fəttah Heydərovun parlamentin iclaslarına qatılmamasına da aydınlıq gətirib:

“Hesab edirəm ki, indiki şəraitdə bu məsələnin müzakirə edilməsi doğru deyil. Bildiyiniz kimi, ölkəmizdə iyunun 15-nə qədər karantin rejimi uzadılıb. Həmçinin, yaşı 65-dən yuxarı olan insanlara evdən çıxmamaq tövsiyə edilib. Ona görə də Oqtay müəllimin və Fəttah müəllimin iclaslara qatılmamasını ümumi qaydalara uyğun qəbul etmək lazımdır. Hətta, mən də parlamentin iclasına qatılmaya bilərəm. Burada qəbahət yoxdur. Ölkədə karantin rejimi davam edir”.скачать dle 11.3

Şahidi olduğunuz hadisələri çəkib bizə göndərin!