Qaxda üç yaşlı uşaq 120 ədəd dərman içib.
Median.Az APA-ya istinadla xəbər verir ki, hadisə bu gün baş verib. Qax şəhəri Ü.Hacıbəyov küçəsi, ev 11 ünvanında yaşayan 3 yaşlı Nur Rəhman qızı Rəcəbli zəhərlənmə əlamətləri ilə Qax Rayon Mərkəzi Xəstəxanasına daxil olub.
Müayinə zamanı məlum olub ki, evdə nəzarətsiz qalan azyaşlı 120 ədəd vitamin C həbi qəbul edib.
Xəstəxananın Reanimasiya şöbəsinə yerləşdirilən N.Rəcəbliyə lazımi tibbi yardım göstərildikdən sonra vəziyyəti stabilləşib.
Faktla bağlı araşdırma aparılır.