Tramp İrana söz atdı: Kimsə o tərəfdən səhv edə bilərdi
CNN yazır ki, o, bu barədə Ağ Evdə çıxışı zamanı bəyan edib.
“Mənim bir şübhəm var. Bunu demək istəmirəm, çünki digərlərinin də öz şübhələri var. Kimsə o tərəfdən səhv edə bilərdi... Bizimkilərdən deyil. Bununla heç bir əlaqəmiz yoxdur”, -deyə Tramp üstüörtülü danışıb.
ABŞ prezidenti təyyarənin “olduqca əlverişsiz şərtlər altında” uçduğunu qeyd edib: “Bəziləri deyirlər ki, bu, texniki nasazlıq olub. Şəxsən mən buna inanmıram!”
Tramp əlavə edib ki, Ukrayna təyyarəsinin təsadüfən və ya qəsdən vurulduğunu bilmir. Onun sözlərinə görə, qəzanın səbəbləri laynerin “qara qutusu” açılandan sonra məlum olacaq.
Qeyd edək ki, Pentaqonun fikrincə, Ukraynanın “Boeing” şirkəti İranın hava hücumundan müdafiə sistemləri tərəfindən vurulub.
