“Maşın” şounun final mərhələsinin növbəti final gecəsi Xalq artisti Murad Dadaşovun təqdimatında start götürüb.
Median.Az xəbər verir ki, şounun on altıncı günündə üç məşhur Lalə Mustafayeva, Ramal İsrafilov və Suna Kasımoğlu böyük final mərhələsinə adlayıb, dəyəri 50 min manatlıq “Opel İNSİGNİA” avtomobil uğrunda mübarizələrini davam etdirirlər.
İntriqalı və qalmaqallı günləri arxada qoyan iştirakçılar yalnız iradə və güc nümayiş etdirdikləri təqdirdə “Maskarad”ın finalında sona qalıb, avtomobilə sahib çıxmaq şanslarını artıra bilərlər.
Üç məşhurdan kimin qalib gələcəyi isə yaxın üç gün ərzində müəyyən olacaq. Hazırda isə hər üç məşhur dözümlülük nümayiş etdirərək şouda iştirakını davam etdirirlər.
Aparıcı Murad Dadaşov oyunçulara əllərinin digəri ilə əvəz etməyə icazə verib. Onun “Özünüzü necə hiss edirsiniz?” sualından sonra məşhurlar normal olduqlarını bildiriblər.
Daha sonra iştirakçıların bütün gecəni necə keçirtdikləri süjet şəklində tamaşaçılara təqdim edilib.
Qeyd edək ki, şou sona yaxınlaşdıqca, oyunun şərtləri daha da çətinləşir. Belə ki şounun qaydalarına əsasən, artıq üç iştirakçının hər biri ayrı-ayrılıqda avtomobilin yanından ayrıla bilmirlər.
Onlar bu gün ərzində yalnız bir dəfə maşından bəlli zaman çərçivəsində ayrılıb, təbii ehtiyaclarını ödəmək şanlarından istifadə ediblər. İştirakçılar yalnız xüsusi səs işarəsi səsləndikdən sonra iki saatdan bir əlini digər ilə əvəz edə bilirlər. Hətta əli belə maşından sürüşdürmək qəti qadağandır.
Bununla yanaşı sabahdan etibarən iştirakçılar avtomobilə söykənmələri də yasaqlanır. Bunlara rəğmən oyunçular ürəkləri istəyən qədər su və qida ilə təmin olunurlar.
İştirakçıların səhhəti isə 24 saat ərzində təcili tibbi yardımın peşəkar həkimləri tərəfindən nəzarət olunur. Sağlamlığında problem yaranan iştirakçı dərhal oyundan kənarlaşdırılacaq.
Şahidi olduğunuz hadisələri çəkib bizə göndərin!
Son Əlavə