Makqreqor həbs olunub - VİDEO
İrlandiyalı MMA (qarışıq əlbəyaxa döyüş növləri) ustası Konor Makqreqor ABŞ-ın Florida ştatında həbs olunub.
Bu barədə “MMA Fighting” portalı məlumat yayıb.
O, ikinci dərəcəli silahlı qarət və üçüncü dərəcəli xuliqanlıqda təqsirli bilinir.
Yerli polis idarəsinin məlumatına görə, idmançı Mayami-Biç rayonunun “Fountainebleu” hoteli qarşısında öz pərəstişkarının üzərinə atılaraq, onun smartfonunu əlindən alıb. Daha sonra mobil cihazı ayaqları altında tapdalayaraq, qalıqlarını özü ilə aparıb.
Xatırladaq ki, martın 9-da Makqreqor 2018-ci ildə (aprel ayında) UFC döyüşçüləri ilə dolu avtobusa hücumuna görə məhkum olunduğu ictimai işləri başa çatdırmışdı. O, beş gün ərzində Nyu-Yorkun iki kilsəsində icbari əməklə məşğul olub.
Onun qəzəbin idarə olunması üzrə psixoloji hazırlıqdan keçdiyi bildirilir.
скачать dle 11.3
Şahidi olduğunuz hadisələri çəkib bizə göndərin!
Son Əlavə