Şəhid general-mayor Polad Həşimovun doğum günüdür » Median.Az - Bütün xəbərlər bir ünvanda
22:26 Əhaliyə hava xəbərdarlığı - Bu tarixdə…  |     22:17 DTA: ”Tavuşun Tovuz kimi getməsi Booking.com-un texniki səhvidir”  |     22:09 Pensiya bu qədər artacaq - Məbləğ açıqlandı  |     22:02 Dünyada qaçqınların sayı rekord qırır  |     21:54 Alsudan bakılı ərindən boşanmasına ilk reaksiya  |     21:46 Müdafiə ehtiyacları ilə bağlı satınalma üçün komissiya yaradılacaq  |     21:39 Beyləqanda ağır yol qəzası olub, ölənlər və yaralananlar var  |     21:33 ÜST nümayəndəsi: COP29 qlobal qərarların qəbulu baxımından mühüm hadisədir  |     21:27 Türkiyə vətəndaşları Kəlbəcərdə yol qəzasına düşüb  |     21:19 Bayram günlərində milli parkları 12 min 348 turist ziyarət edib  |     21:11 Qobustanda arvadını iplə boğaraq öldürməkdə təqsirləndirilən şəxsin məhkəməsi başlayır  |     21:03 Azərbaycanda bəzi bölgələrdə yanğın təhlükəsi yüksəlib  |     20:57 Baş prokuror Qazaxda vətəndaşları qəbul edəcək  |     20:49 Azərbaycanda qida məhsullarının adambaşına istehlak göstəriciləri açıqlanıb  |     20:41 Xarici ekspert: "Azərbaycanda temperatur daha sürətlə yüksələcək"  |     20:37 Bəzi çaylardan sel keçəcək - XƏBƏRDARLIQ  |     20:28 Qazaxıstan Senatı Orta Dəhlizin inkişafına dair sazişləri təsdiqləyib  |     20:23 Belçikalı ekspert: "Azərbaycan sığorta sahəsində ciddi boşluqlarla üzləşib"  |     20:15 İranda həbsxanada saxlanılan güneyli alim: Məni edam riski ilə zindanda tək buraxmısınız  |     20:08 Nazirlik: Taxıl sahələrinin 30 %-də biçin başa çatıb  |    

Şəhid general-mayor Polad Həşimovun doğum günüdür

Bu gün Azərbaycanın Milli Qəhrəmanı, şəhid general-mayor Polad Həşimovun doğum günüdür.

P.Həşimov 1975-ci ilin yanvarın 2-də Qəbələ rayonunun Vəndam kəndində anadan olub.

Daha sonra ailəsi ilə birlikdə Sumqayıt şəhərinə köçüb. Orta təhsilini Sumqayıt şəhərində əvvəlcə 28 nömrəli, sonra isə 34 nömrəli məktəbdə alıb. O, Heydər Əliyev adına Ali Hərbi Məktəbi bitirib.

General-mayor P.Həşimov 2020-ci il iyulun 14-də Ermənistan silahlı qüvvələrinin hücum cəhdinin qarşısını alarkən Tovuz istiqamətində baş verən şiddətli döyüşlər zamanı qəhrəmancasına şəhid olub.

Onun şəhid olması xəbərini ictimaiyyətə müdafiə nazirinin müavini, general-leytenant Kərim Vəliyev dərin hüznlə çatdırıb. İyulun 14-də general-mayor Polad Həşimovun nəşi əvvəlcə doğulduğu Qəbələ rayonunun Vəndam qəsəbəsinə, sonra isə yaşadığı Sumqayıt şəhərinə gətirilib. General iyulun 15-də II Fəxri xiyabanda, polkovnik İlqar Mirzəyev ilə yanaşı dəfn olunub.

Prezident İlham Əliyev döyüş zamanı müdafiənin ön xəttində olarkən qəhrəmancasına şəhid olmuş general-mayor Polad Həşimovun anası ilə telefonla danışıb və şəhidin ailə üzvlərinə dərin hüznlə başsağlığı verib.

2020-ci il dekabrın 9-da Prezident İlham Əliyevin sərəncamı ilə P.Həşimova "Azərbaycanın Milli Qəhrəmanı” adı verilib.
Xatırladaq ki, P.Həşimov 2003-cü ildə mayor qismində Prezident Heydər Əliyevin sərəncamı ilə "Hərbi xidmətlərə görə” medalı ilə təltif edilib. Altı il sonra, 2009-cu ildə isə o, artıq polkovnik-leytenant qismində Prezident İlham Əliyevin sərəncamı ilə "Vətən uğrunda” medalı ilə təltif olunub. 2014-cü il iyunun 25-də III dərəcəli Vətənə xidmətə görə ordeni ilə təltif edilən Polad Həşimov 2016-cı ilin Aprel döyüşlərində göstərdiyi şücaətə görə 2-ci dərəcəli "Vətənə xidmətə görə” ordeni ilə mükafatlandırılıb.

P.Həşimov 2016-cı ilin 2-4 aprelində cəbhəboyu baş verən hərbi əməliyyatlar zamanı Talış qəsəbəsi uğrunda gedən döyüşləri aparan 1-ci Ordu Korpusunun Qərargah rəisi olub və yaralanıb. 2019-cu il iyunun 25-də Polad Həşimova "general-mayor” ali hərbi rütbəsi verilib. O, daha sonra Azərbaycan Silahlı Qüvvələrinin 3-cü Ordu Korpusunun Qərargah rəisi təyin olunub.

2020-ci ildə Qəbələ şəhərində Şəhidlər xiyabanının yerləşdiyi küçəyə Polad Həşimovun adı verilib. 2021-ci ildən Bakı şəhərinin küçələrindən biri Azərbaycanın Milli Qəhrəmanının adını daşıyır.

P.Həşimovun adı Türkiyədə də əbədiləşdirilib. Belə ki, Osmanqazi rayonunun Dəmirtaş bölgəsində Polad Həşimovun adının verildiyi yeni park salınıb.

P.Həşimovun Davud və Teymur adında oğulları, Aybəniz adında isə qızı yadigar qalıb.скачать dle 11.3




Şahidi olduğunuz hadisələri çəkib bizə göndərin!




            690 02.01.24 12:30