Braziliyalı hücumçu: "Ən böyük hədəfim "Neftçi" ilə çempion olmaqdır" » Median.Az - Bütün xəbərlər bir ünvanda
20:29 Tərtərdə həmkəndlisini öldürməkdə təqsirləndirilən şəxsin cinayət işi məhkəməyə göndərilib  |     20:21 11 nəfər qəbul imtahanından xaric olunub  |     20:16 İngiltərə klubu kapitanı ilə müqavilə müddətini uzadıb  |     20:08 Azad olunan ərazilərdə qurban kəsimi və satışı məntəqələri müəyyənləşib - SİYAHI  |     20:03 BDU-da yeni ixtisas və ixtisaslaşmalar açılacaq  |     19:57 Kelli Uillis: COP29 səhiyyə sahəsində təşəbbüslər üçün geniş imkanlar yaradacaq  |     19:49 Kiyevdə Qurtuluş Günü qeyd olunub  |     19:44 Bayram günlərinin havası açıqlanıb  |     19:35 50 yaşlı Əli İsmayılov: İndiyə qədər heç kim Azərbaycana MDB kəmərini gətirməmişdi  |     19:31 Azərbaycanda nikahların sayı azalıb  |     19:23 Dünyanın ən qeyri-punktual aviaşirkəti məlum olub  |     19:18 “Tesla” fabriklərində minlərlə insanabənzər robot işləyəcək  |     19:10 “Taliban”ın nümayəndələri Parisdə keçiriləcək Olimpiya Oyunlarına buraxılmayacaq  |     19:04 “Bayraktar TB2” PUA-ları Rumıniya ordusunun arsenalına daxil edilib  |     18:56 Azərbaycanda tələbə HƏBS EDİLDİ  |     18:45 Nazir azərbaycanlı alimin həyat yoldaşına yüksək vəzifə verdi - FOTO  |     18:40 Ahıl və tənha vətəndaşlar dələduzluğa məruz qalırlar - DİN xəbərdarlıq edir  |     18:31 “Azəriqaz” qeyri-iş günlərində gücləndirilmiş iş rejimində çalışacaq  |     18:17 I və IV ixtisas qrupları üzrə qəbul imtahanının nəticələri açıqlandı  |     17:56 Masallıda 17 yaşlı qız toy günü evdən qaçıb - VİDEO  |    

Braziliyalı hücumçu: "Ən böyük hədəfim "Neftçi" ilə çempion olmaqdır"

"Həqiqətən də uyğunlaşmaqla bağlı yaxşı mənada təəccübləndim. Çünki "Neftçi"yə gələndən sonra burada mənimlə eyni dildə danışan çox futbolçu ilə tanış oldum. Bu isə adaptasiya prosesini tezləşdirdi".

"Report"un məlumatına görə, bunu "Neftçi"nin futbolçusu Ramon Maçado paytaxt təmsilçisinə adaptasiyası barədə klubun rəsmi televiziyasına müsahibəsində deyib.

"Ağ-qaralar"a keçidindən sonra 2 qol vurduğunu deyən braziliyalı hücumçu bunu gözləmədiyini bildirib: "Düşünürdüm ki, baş məşqçi mənə hələ çox gec şans verəcək. Amma artıq ikinci oyunda meydana çıxdım və növbəti matçlarda fərqləndim. Bütün bunlara görə sevinirəm".

30 yaşlı forvard Azərbaycanda yaşadığı, "Neftçi" kimi klubda oynadığı və bu cür komanda yoldaşlarının olduğuna özünü xoşbəxt hiss etdiyini söyləyib: "Hər şey qaydasındadır. Əlimdən gələni etməyə çalışacağam ki, "Neftçi"nin ötən mövsüm qazandığı uğuru təkrarlayaq. Düşünürəm ki, doğru yoldayıq".

Təcrübəli forvardın sözlərinə görə, yeni komandasında fərdi hədəfləri yoxdur: "Bütün məqsədim komanda ilə bağlıdır. Ən böyük hədəfim bu mövsüm "Neftçi" ilə çempion olmaqdır".

Maçado bildirib ki, "Neftçi"yə keçməzdən öncə klub barədə məlumat əldə edib: "Bilirəm ki, bu klubda böyük uğurlar qazanmış, "Neftçi"nin tarixinə düşmüş braziliyalı futbolçular olub. Həm klubun, həm də azarkeşlərin mənə olan etimadını doğrultmaq, özümdən öncəki həmyerlilərimin uğurlarını təkrarlamaq üçün əlimdən gələni edəcəyəm".

Futbolçu "Neftçi"də daha yaxşı çıxış edəcəyinə inandığını vurğulayıb: "Burada çox xoşbəxtəm, amma bundan da xoşbəxt olacağımı gözləyirəm. İki qol vurduğum üçün şadam. Lakin bilirəm ki, daha çox şey edə bilərəm. Bizi qarşıda çox oyun gözləyir. Çalışacağam, bacardığım qədər qollar vurum və "Neftçi" ilə çempionluq yaşayım".скачать dle 11.3




Şahidi olduğunuz hadisələri çəkib bizə göndərin!




            570 26.10.21 20:50