Fransanın məşhur idman brendi mart ayında qaçış üçün xüsusi hicablar istehsal edəcək.
Median.Az publika.az-a istinadən xəbər verir ki, ölkənin səhiyyə naziri Aqnes Buzin bu təşəbbüsü kəskin qarşılayıb. Buzin RTL televiziya kanalına verdiyi müsahibədə bildirib ki, hicablı qaçış formalarını "Decathlon" brendinin stendlərində görmək istəmir.
Xarırladaq ki, bu formalar müsəlman qadınların idman vaxtı rahatlığını təmin etmək üçün nəzərdə tutulub. Nazir isə deyir ki, doğrudur qanun bu geyimlərin satışına heç bir qadağa qoymur. Amma mən düşünürəm ki, bu hal ölkəmizin mədəniyyətinə, yaşam tərzinə ziddir. Mənə görə qadın da, kişi də eyni hüquqa malikdirlər. Siyasi xadim Düpon Enyansa brendin bu ideyasını boykot etməyə səsləyib. Doğrudur bu məhsul öncə yalnız Mərakeş üçün nəzərdə tutulmuşdu. Sonradan Fransada istifadəsinə də qərar verildi. Brend rəhbərliyi isə niyyətlərinin məsum olduğunu, və dinindən, dilindən fərqli olmayaraq bütün qadınlara rahatlıq bəxş etmək istədiklərini vurğulayıb. Bütün izahata baxmayaraq ölkədə "qaçan pərdə" mövzusu səngimir.
Şahidi olduğunuz hadisələri çəkib bizə göndərin!
Son Əlavə