Gürcüstanda “donuz qripi”ndən daha iki nəfər ölüb

Gürcüstanda daha iki nəfər A qrip virusunun növü olan H1N1 “donuz qripi”ndən dünyasını dəyişib.

Median.Az Gürcüstan mətbuatına istinadən xəbər verir ki, ölənlərdən biri 10 aylıq uşaqdır.

Bu artıq laboratoriya tərəfindən təsdiq edilən 16-cı ölüm halıdır.

Gürcüstan Səhiyyə nazirliyindən jurnalistlərə açıqlama verilərkən bildirilib ki, uşaq həmçinin qızılca xəstəsi olub.

İkinci ölən şəxs isə Qori şəhərindən olan 48 yaşlı kişi olub. O, laboratoriya tərəfindən təhlükəli virusdan öldüyü təsdiq edilən 17-ci adam olub.

Nazirlikdən əlavə ediblər ki, ümumən epidemiyanın miqyası azalmağa doğru gedir.

Rəsmi məlumatlara görə, hazırda Gürcüstanda donuz qripinə xəstələrinin sayı 9 min nəfərdir ki, onlardan da 42-nin vəziyyəti ağırdır və reanimasiya şöbəsinə yerləşdiriliblər.скачать dle 11.3

Şahidi olduğunuz hadisələri çəkib bizə göndərin!