Gəncədə ər-arvad dəm qazından boğulub.
Median.Az qafqazinfo-ya istinadən xəbər verir ki, hadisə Kəpəz rayonunda baş verib.
Belə ki, 1947-ci il təvəllüdlü Xalis Cəfərov və həyat yoldaşı Rəna Cəfərova yaşadıqları evdə ölü tapılıblar.
Prokurorluq və polis əməkdaşları hadisə yerinə gedərək Gəncə Şəhər Regional Qaz İstismarı İdarəsinin əməkdaşları ilə birgə baxış keçiriblər.
Baxış zamanı evin içərisində İran istehsalı isidici qaz sobasının işlək vəziyyətdə olması aşkar edilib.
Meyitlər xarici və daxili müayinə üçün Gəncə Şəhər Məhkəmə Tibbi Ekspertizasına və Patoloji Anatomiya Birliyinin morquna göndərilib.
Faktla bağlı Cinayət Məcəlləsinin 314.3-cü maddəsilə cinayət işi başlanılıb.
Şahidi olduğunuz hadisələri çəkib bizə göndərin!
Son Əlavə