Azərbaycanda “kiçik çillə” başlayır » Median.Az - Bütün xəbərlər bir ünvanda
20:48 Mədəniyyət müəssisələrinə qəbul üzrə imtahanlar başlayır  |     20:39 Bakının Yasamal və Səbail rayonlarının bir hissəsində su kəsiləcək  |     20:34 İtaliya səfiri: Azərbaycana ərzaq məhsullarının tədarükünü artırmaq niyyətindəyik  |     20:28 Azərbaycanın iki avarçəkəni Avropa çempionatında iştirak edəcək  |     20:17 Türkiyədə yol qəzasında bələdiyyə sədri ölüb, 10 nəfər yaralanıb  |     20:12 Rusiya ilə Aİ arasında ticarət dövriyyəsi son 24 ildə ən aşağı səviyyəyə düşüb  |     20:04 Sabah bəzi yerlərdə leysan yağacaq, dolu düşəcək - PROQNOZ  |     19:59 İsrail Suriyada iki hərbi obyektə hücum edib, ölən var  |     19:52 Azərbaycan və BƏƏ qarşılıqlı investisiya qoyuluşunu kəskin artırıblar  |     19:47 Ağabala Ramazanov futbolçu karyerasını başa vurub  |     19:39 Yaponiya Rusiyaya minik avtomobillərinin tədarükünü 22% azaldıb  |     19:35 Tələbəni kollecdən qaçırıb münasibətdə oldu - DETALLAR  |     19:33 Husilərin Qırmızı dənizdə vurduğu yük gəmisi batıb  |     19:24 “Figaro”: Makronun düşərgəsi parlamentin buraxılmasından narahatdır, bəziləri yeni iş axtarır  |     19:18 Tramp Bayden administrasiyasını “faşist rejim” adlandırıb  |     19:10 ABŞ Konqresi: 2034-cü ilə qədər dövlət borcu 50 trilyon dollara çata bilər  |     19:04 Şəmkirdə avtomobil aşıb, xəsarət alanlar var  |     18:59 Azərbaycanlı ana-oğul dənizdə BOĞULDU  |     18:50 Çanaqqaladakı meşə yanğını məhdudlaşdırılıb  |     18:48 Bakının hansı küçələrində sıxlıq var?  |    

Azərbaycanda “kiçik çillə” başlayır

Sabah qışın daha mülayim hesab edilən “Böyük çillə”si bitir, daha soyuq sayılan “Kiçik çillə” başlayır.

Xalq təqviminə görə, qış fəsli üç hissəyə bölünür. 

Bunlar 40 gün davam edən Böyük çillə, 20 gün çəkən Kiçik çillə və daha sonra 30 günlük Boz aydır. Təqvimə əsasən, Böyük çillə dekabrın 21-dən daxil olur və yanvarın 30-dək davam edir. 

Kiçik çillə isə yanvarın 31-dən fevralın 19-dək, fevralın 20-dən martın 20-dək Boz ay davam edir.

Dekabrın 22-dən başlayaraq yanvarın 30-da başa çatan, təqribən 40 gün davam edən “Böyük çillə” dövründə hava tədricən soyusa da, kəskin soyuqlar müşahidə edilmir. Eyni zamanda, güclü küləklərin intensivliyi də az olur.  İyirmi gün davam edən “Kiçik çillə”də isə “Böyük çillə”yə nisbətən hava daha soyuq, sərt olması ilə diqqəti cəlb edir:

“Kiçik çillə”də havanın temperaturu daha kəskin düşür, yağış və qar daha çox yağır. Bəzən elə olur ki, yanvarın sonunda mülayim havada bəzi ağaclar tumurcuqlayır, amma fevralda kəskin soyuq onların hamısını məhv edir.

Azərbaycan Milli Elmlər Akademiyasının Folklor İnstitutundan verilən məlumata görə, Azərbaycanın bəzi bölgələrində “Böyük çillə”dən “Kiçik çillə”yə keçəndə müəyyən mərasimlər təşkil olunur. Belə mərasimlərdən biri “çillə qarpızı” ilə əlaqədardır. Adətə görə, xüsusi yerlərdə yaydan saxlanılan “çillə qarpızları” kəsilir və ailənin bütün üzvləri bu təamdan dadır.

“Kiçik çillə”nin birinci ongünlüyündə isə Xıdır Nəbi bayramı keçirilir:

“Xıdır Nəbi bərəkət rəmzidir. Xalqın istəyi odur ki, qışdan çıxandan sonra yeni il onlar üçün bolluq və bərəkət gətirsin. Ona görə də Xıdır Nəbi bayramında xüsusi mərasimlər keçirilir. Qovurğa qovrulur, qovut çəkilir”.

Qeyd edək ki, bəzi mənbələr “Çil” sözünü “çehl” sözü ilə, 40 rəqəmi ilə, bəzi mənbələrdə isə türk sözü olan “çil” sözü ilə əlaqələndirirlər. Yəni təbiətə çil düşür, təbiət ağır, çətin dövrünü keçirməyə başlayır.скачать dle 11.3




Şahidi olduğunuz hadisələri çəkib bizə göndərin!




            1 405 29.01.18 11:56