Narkotiklərin qanunsuz dövriyyəsi ilə əlaqədar 5 nəfər saxlanılıb

Median.Az xəbər verir ki, Nizami RPİ-nin əməkdaşları tərəfindən Gəncə şəhər sakini, əvvəllər məhkum olunmuş C.Mərdanovdan 480 qram marixuana götürülüb.

Bundan başqa, Lənkəran ŞRPŞ-nin əməkdaşları tərəfindən Şağlaküçə kəndi ərazisində, kənd sakinləri E.Bağırov və H.Tağıyevin kultivasiya yolu ilə yetişdirdikləri 14 ədəd çətənə kolu aşkar edilib.

İsmayıllı RPŞ əməkdaşlarının keçirdikləri əməliyyat tədbiri nəticəsində Ruşan kəndi ərazisində, şəhər sakini İ.Məmmədov tərəfindən kultivasiya yolu ilə yetişdirilmiş 13 ədəd çətənə kolu aşkar edilib.

Kürdəmir RPŞ-nin əməkdaşları tərəfindən Sığırlı kənd sakini S.Davudova məxsus həyətyanı sahədən kultivasiya yolu ilə yetişdirilmiş 7 ədəd çətənə kolu götürülüb.

Faktlarla bağlı araşdırmalar aparılır.