Rusiyada hərbi bazada partlayış: ölən və yaralananlar var - YENİLƏNİB + VİDEO

Rusiyada hərbi hissənin artilleriya mərmiləri olan anbarında baş vermiş partlayışlar nəticəsində 1 hərbçi həlak olub.

TASS xəbər verir ki, Rusiyanın Müdafiə naziri Sergey Şoyqu vəziyyətə nəzarət etmək üçün müavini Dmitri Bulqakovu insident yerinə göndərib.Rəsmi məlumatlarda bildirilir ki, yaralananların sayı 7 nəfərə çatıb.Onlar xəstəxanalara yerləşdirilib.***Açinsk rayonunda yerləşən hərbi bazanın artilleriya anbarında baş verən partlayışda dörd nəfər xəsarət alıb. “Ria Novosti” xəbər verir ki, yaralananlardan biri uşaqdır.Səhiyyə Nazirliyi faktı hələ təsdiqləməyib. Rusiya Müdafiə naziri Serqey Şoyqunun əmri ilə hadisə yerinə çox sayda mütəxəssislər göndərilib.Partlayış baş verən anbarda 40 min mərminin olduğu bildirilir.Anbarın yaxınlığında yerləşən yaşayış məntəqələrində yaşayanların təxliyəsinə qərar verilib.Onların təxliyəsi üçün çox sayda avtobus göndərilib.***Rusiya Federasiyasının Krasnoyarsk vilayətindəki Açinsk rayonunda yerləşən hərbi bazanın artilleriya anbarında partlayış baş verib.TASS xəbər verir ki, partlayışdan sonra ərazidə yanğın başlayıb. Hazırda yerli sakinlər təxliyə olunur. Əraziyə təxliyə üçün avtobuslar göndərilib. Bu barədə rayonun növbətçi-dispetçer xidmətindən məlumat verilib.Agentlik rəsmiləri bildirib ki, təxliyə artıq başlayıb. Hadisənin hərbi hissədə baş verdiyi qeyd edilib.Əldə edilən digər məlumata görə, yanğın baş verən əraziyə yanğınsöndürən maşınlar cəlb edilib.Hələlik iki nəfərin xəstəxanaya yerləşdirildiyi barədə məlumat daxil olub.скачать dle 11.3

Şahidi olduğunuz hadisələri çəkib bizə göndərin!