Azərbaycanda Çindən konteyner daşımaları üçün hub yaradıla bilər » Median.Az - Bütün xəbərlər bir ünvanda
23:00 Ermənistan aviaşirkəti Moldova ərazisində qadağan edildi  |     22:50 Zaqatalada qəza zamanı xəsarət alan şəxslərin kimliyi məlum olub - YENİLƏNİB  |     22:41 Trampın oğlu ABŞ-nin Kiyevə yardımı dayandırmalı olduğunu deyib  |     22:30 Biletsiz sərnişinlər problemi maarifləndirmə, yoxsa cərimələrlə həll olunmalıdır?  |     22:22 Qarlı havada bu şəxslər çölə çıxmasın  |     22:15 Rusiya müharibənin bitməsi üçün şərtini AÇIQLADI  |     21:59 Bakıda yeni bulvar salınacaq  |     21:46 Ukrayna XİN rəhbəri: Heç kim Ukraynanı təslim olmağa məcbur edə bilməz  |     21:35 Samuxda çayda batan şəxslərin kimliyi müəyyən olunub - YENİLƏNİB  |     21:17 Ağaclar qanunsuz kəsildi, vəzifəli şəxs işdən çıxarıldı - Video  |     21:17 Ağaclar qanunsuz kəsildi, vəzifəli şəxs işdən çıxarıldı - Video  |     20:54 Zaqatalada yol-nəqliyyat hadisəsi baş verib, bir neçə nəfər xəsarət alıb  |     20:43 Uşaqları birinci sinfə gedəcək valideynlərin diqqətinə!  |     20:30 Tramp Zelenskini diktator adlandırıb  |     20:23 Qadın voleybolçular arasında Azərbaycan Yüksək Liqasında XII tura start verilib  |     19:58 Palata: ETSN-in tullantılarla bağlı cərimələri formal xarakter daşıyıb  |     19:43 Paşinyan yeni konstitusiyanın qəbul edilməsinin zəruriliyini bəyan edib  |     19:36 Cərrahi əməliyyatları çəkib paylaşmaq olar? - Həkimlərdən çağırış  |     19:29 Azərbaycanda ən bahalı və istedadlı oyunçuların - Siyahısı  |     19:21 BDYPİ şaxtalı hava ilə əlaqədar sürücülərə xəbərdarlıq edib  |    

Azərbaycanda Çindən konteyner daşımaları üçün hub yaradıla bilər

“Rusiya Dəmir Yolları” ASC Çindən Bakıya müntəzəm konteyner daşımaları təşkil etməklə Azərbaycan ərazisində paylayıcı hub yaratmaq təklifini irəli sürüb.

Median.Az
xəbər verir ki, bu barədə “Rusiya Dəmir Yolları"nın baş direktoru və İdarə Heyətinin sədri Oleq Belozerov Bakıda “Azərbaycan Dəmir Yolları" QSC-nin sədri Cavid Qurbanovla görüşü zamanı bildirib.

Şimal-Cənub və Şərq-Qərb nəqliyyat dəhlizlərinin inkişafı ilə bağlı müştərək tədbirlərin müzakirə olunduğu görüşdə Bakı-Tbilisi- Qars dəmir yolunun imkanlarını yüksək qiymətləndirən rusiyalı qonaq bu yolun imkanlarından daha dolğun istifadə etmək üçün müvafiq nəqliyyat vasitələri və yüklər təqdim etməyə hazır olduqlarını diqqətə çatdırıb.

Şimal-Cənub dəhlizinin inkişafından söhbət açan baş direktor bu istiqamətdəki daşımalar üçün əsas tarifləri və logistika göstəricilərini işləyib hazırladıqlarını, əlavə yüklər cəlb etmək üçün Hindistan şirkətləri ilə danışıqlar apardıqlarını bildirib. “Eyni zamanda İranda Rəşt-Astara xəttinin tikintisi də müntəzəm daşımaların illik həcmini 100 min TEU həddinə çatdırmaq imkanı yaradardı”, - deyə "Rusiya Dəmir Yolları"nın məlumatında göstərilir.

Tərəflər elektron əməkdaşlığın da əhəmiyyətini qeyd ediblər. O.Belozerov qeyd edib ki, Rusiya ilə Azərbaycan arasında göndərilən yüklərin keçən il 50%-i elektron yolla rəsmiləşdirildisə, hazırda bu göstərici 87%-ə çatıb.

C.Qurbanov "Rusiya Dəmir Yolları"nı "Azərbaycan Dəmir Yolları" üçün əsas tərəfdaş olaraq qaldığını deyib: "İstər əməkdaşların səriştəsi, istərsə də Rusiya dəmir yollarının inkişaf səviyyəsi bizim dəmiryolçular üçün gözəl nümunədir". O, beynəlxalq nəqliyyat dəhlizlərində daşımaların bundan sonra da müsbət dinamikasını saxlayacağına, birgə layihələrin həyata keçiriləcəyinə əmin olduğunu vurğulayıb.

Görüşdə sərhəd-gömrük prosedurlarını daha da təkmilləşdirmək, Bakı- Mahaçqala sərnişin qatarını açmaq imkanlarını araşdırmaq üçün hakimiyyət qurumları ilə birgə fəaliyyəti davam etdirmək barədə razılıq əldə olunub.//report.azскачать dle 11.3




Şahidi olduğunuz hadisələri çəkib bizə göndərin!




            2 121 06.05.19 20:37