Median.Az xəbər verir ki, Nizami RPİ əməkdaşlarının keçirdikləri əməliyyat tədbiri nəticəsində Gəncə şəhər sakini, əvvəllər məhkum olunmuş N.Mirbağırov saxlanılıb. Şəxsi axtarış zamanı ondan narkotik vasitə - marixuana, yaşadığı evdən və həyətyanı sahəsində torpağa basdırılmış 1 kq. 350 qrama yaxın marixuana aşkar edilib.

Bundan başqa, DİN Nəqliyyatda Baş Polis İdarəsi əməkdaşlarının əldə edilmiş məlumat əsasında Sumqayıt dəmir yolu stansiyası ərazisində keçirdikləri əməliyyat tədbiri nəticəsində Sumqayıt şəhər sakini, əvvəllər məhkum olunmuş A.Daşdəmirovdan 480 qram marixuana götürülüb.

Sabirabad RPŞ-nin əməkdaşları tərəfindən Qaratəpə kənd sakini, əvvəllər məhkum olunmuş Ə.Cəfərovun yaşadığı evdə 600 qrama yaxın marixuana aşkar edilib.

Faktlarla bağlı cinayət işləri başlanılıb.скачать dle 11.3