Türkiyənin Bursa vilayətində Pensilvaniya Universitetinin sertifikatı ilə "kəkələmə və düzgün danışma mərkəzində" onlarla xəstəni aldadan saxta professor 55 il müddətinə azadlıqdan məhrum edilib.
Median.Az Türkiyə mətbuatına istinadla xəbər verir ki, vətəndaşları Azərbaycan Universitetinin məzunu olduğu və Pensilvaniya Universitetindən sertifikat aldığını deyərək aldadan 40 yaşlı Emre Nuri Korkut bir il öncə iş yerində həbs edilib. Saxta həkim həbs edilən zaman iş yerində saxta diplomlar, professorluq və dosentlik sənədləri götürülüb.
Korkut ona qarşı olan ittihamları qəbul etməyərək bildirib ki, onun mərkəzində qüsurlu və ya kəkələmə problemi xəstəliyi olan şəxslər olmayıb: "Buna görə də mənim professor olmağım mütləq deyil. Mənim yanıma gələn insanların ilk verdiyi sual "düzələcəyəmmi" olub. Gələn şəxsləri ən az bir həftə pulsuz sınama müddətinə götürürdüm. Müddətin sonunda onlardan "davam etmək istəyirsinizmi" deyə soruşurdum. Heç bir sənəd və ya müqavilə olmayıb. Yəni onların mənə pul verməmək kimi imkanları olub".
Qeyd edək ki, əvvəlki prosesdə prokuror Emre Korkutu 33 nəfəri aldatmaqda ittiham edərək, ona 165 il cəza istəmişdi.
Son söz verilən saxta professor iki zərərçəkmişlə razılaşdığını qeyd edib.
"Azadlığa çıxsam digərlərinin də zərərini ödəyəcəyəm", - deyən "professor" hər bir zərərçəkmiş üçün 1 il 8 ay olmaqla 55 il azadlıqdan məhrum edilib.
Şahidi olduğunuz hadisələri çəkib bizə göndərin!
Son Əlavə