Narkotiklərin qanunsuz dövriyyəsindən 10 kq. yaxın narkotik çıxarılıb
Median.Az xəbər verir ki, Suraxanı RPİ 31-ci, 32-ci və 33-cü polis bölmələri əməkdaşlarının birgə keçirdikləri əməliyyat tədbiri nəticəsində Bülbülə qəsəbəsində yaşayan, əvvəllər məhkum olunmuş V.Bayramovun evində 3,2 kq-dan çox marixuana və 800 qramdan artıq heroin aşkar edilib.
Bundan başqa, Yasamal RPİ-nin əməkdaşları Bakı şəhər sakini, əvvəllər məhkum olunmuş H.Həsənovdan heroin, evindən isə 315 qram marixuana, Nəsimi RPİ 20-ci polis bölməsinin əməkdaşları Bakı şəhər sakini S.Əliyevdən 480 qram, Pirallahı RPŞ-nin əməkdaşları Bakı şəhər sakini, əvvəllər məhkum olunmuş B.Cabbarovdan 490 qram marixuana,
Sumqayıt ŞPİ 1-ci polis bölməsinin əməkdaşları şəhər sakini, əvvəllər məhkum olunmuş R.Məmmədovdan 440 qram marixuana, Balakən RPŞ-nin əməkdaşları Tülü kənd sakini, əvvəllər məhkum olunmuş X.Bayramovun evindən 4,5 kq-dan artıq marixuana götürüblər.
Faktlarla bağlı cinayət işləri başlanılıb.
