Bakı Ağır Cinayətlər Məhkəməsində Bakı şəhər sakini Əliəkbər Abdullayevin (1975-ci il təv.) CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işi üzrə növbəti məhkəmə prosesi keçirilib.
Median.Az xəbər verir ki, ötən il avqustun 8-də Binə qəsəbəsi, P.Əşrəfov küçəsi, döngə 2 ev 26-da yaşayan Əliəkbər Abdullayev yaşadığı evdə qardaşının arvadı Rübabə Abdullayevanı (1973-cü il təv.) qısqanclıq zəminində bıçaqlayıb. Qadın aldığı xəsarətlərdən hadisə yerində dünyasını dəyişib.
Məhkəmə prosesində məhkəmə istintaqının başa çatdığı elan olunub.
Çıxış edən dövlət ittihamçısı təqsirləndirilən şəxsin 13 il 6 ay müddətinə azadlıqdan məhrum edilməsini istəyib.
Növbəti proses martın 7-nə təyin edilib.
Şahidi olduğunuz hadisələri çəkib bizə göndərin!
Son Əlavə