Bakıda avtomobildən oğurluq edən 3 nəfər saxlanılıb

Median.Az xəbər verir ki, Binəqədi RPİ-nin 5-ci polis bölməsi əməkdaşlarının keçirdikləri əməliyyat-axtarış tədbirləri nəticəsində ayrı-ayrı vaxtlarda rayon ərazisində “AzSamand”, “Nissan”, “Ford”, “Daewoo” və “London Taxi” markalı avtomobillərdən pul, mobil telefon və sənədlər oğurlayan Abşeron rayon sakini E.İsayev saxlanılıb.

Xətai RPİ 37-ci polis şöbəsinin əməkdaşları keçirdikləri əməliyyat-axtarış tədbirləri nəticəsində İmişli rayon sakini, əvvəllər məhkum olunmuş M.Mirbabayevı saxlayıblar. Məlum olub ki o, yanvarın 25-də əcnəbi vətəndaşa məxsus “BMW” markalı avtomobilən, içərisində 1600 manat olan pulqabısının oğurlayıb.

Sabunçu RPİ 13-cü polis bölməsi əməkdaşlarının keçirdikləri əməliyyat-axtarış tədbirləri nəticəsində fevralın 24-də Bakıxanov qəsəbəsində
“Nissan” markalı avtomobildən, içərisində 185 manat və sənəd olan pulqabını oğurlayan Bakı şəhər sakini G.Kərimova saxlanılıb.

Faktlarla bağlı cinayət işləri başlanılıb.