Median.Az xəbər verir ki, Sumqayıt ŞPİ 1-ci polis bölməsinin əməkdaşları tərəfindən ötən il noyabrın 23-dən bu il yanvarın 6-dək olan müddətdə, şəhər ərazisində 2 avtomobildən pul, yaddaş kartı və krosna aparatı oğurlayan şəhər sakini, əvvəllər məhkum olunmuş A.Eldarov saxlanılıb.

Bundan başqa, 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində, şəhər sakini olan qadının çantasından, içərisində təqaüd kartı olan pulqabısını, bir köşkdən, 2 evdən 30 metr elektrik naqili və təmir-tikinti alətləri oğurlayan şəhər sakini B.Səmədov saxlanılıb.

Sumqayıt ŞPİ-nin əməkdaşları tərəfindən şəhər ərazisində 2 avtomobildən akkumulyator oğurlayan şəhər sakini S.Həsənov saxlanılıb. Araşdırma zamanı, onun 3 həyətyanı sahədən məişət əşyaları, inşaat materialları və ev quşları oğurlaması məlum olub.

Sumqayıt ŞPİ İstintaq şöbəsində CM-nin 177-ci (oğurluq) maddəsi ilə cinayət işləri başlanılıb.скачать dle 11.3