Median.Az xəbər verir ki, fevralın 14-də Nəsimi RPİ-nin 22-ci polis şöbəsinə, həmin gün saat 17 radələrində Ə.Quliyev küçəsindəki avtomobillərin yuyulması məntəqəsindən Abşeron rayon sakini Z.Gülməmmədovun “Hyundai” markalı avtomobilinin qaçırılması barədə müraciət daxil olub.
Keçirilmiş əməliyyat-axtarış tədbirləri nəticəsində avtomobili qaçıran Bakı şəhər sakini, əvvəllər məhkum olunmuş E.Şükürov Suraxanı rayonunun Hövsan qəsəbəsi ərazisində xidmət aparan Post Patrul Xidməti Bölüyünün (PPXB) əməkdaşları tərəfindən avtomobillə birgə saxlanılıb və
22-ci polis şöbəsinə təhvil verilib.
Suraxanı RPİ 33-cü polis bölməsi əməkdaşlarının əməliyyat-axtarış tədbirləri nəticəsində fevralın 13-nə keçən gecə Yeni Günəşli qəsəbəsi ərazisindən, qəsəbə sakini T.Məmmədovun “VAZ-21099” markalı avtomobilini qaçıran paytaxt sakini O.Asəfov avtomobillə birgə saxlanılıb.
Hər iki faktla bağlı araşdırmalar aparılır.
Şahidi olduğunuz hadisələri çəkib bizə göndərin!
Son Əlavə