Kanadada çovğun səbəbindən 50 avtomobil toqquşdu

Kanadanın Kvebek vilayətində yolda zəncirvari qəza baş verib.

Median.Az yerli mətbuata istinadən xəbər verir ki, qəzada 50 nəqliyyat vasitəsi iştirak edib.

İlkin məlumata əsasən, qəzanın səbəbi pis hava şəraiti və güclü çovğun olub.

Bildirilir ki, hadisə Monrealın yaxınlığında baş verib. Zəncirvari qəza nəticəsində bir neçə nəfər xəsarət alıb, onlardan bəziləri hospitala yerləşdirilib. Zərərçəkmişlər haqqında hələlik dəqiq məlumat yoxdur.