Moskvaya güclü çovğun yaxınlaşır: 100 dən çox reys təxirə salındı

Rusiyanın “Aeroflot” şirkəti 26-27 yanvar tarixlərinə planlaşdırılan 131 hava reysini təxirə salıb.

Median.az xəbər verir ki, bu haqda şirkətin saytına məlumat dərc olunub.

Şeremetyevo aeroportunda onlarla hava reysinin vaxtı dəyişdirilib. Əksər hava reysləri bir neçə saat müddətinə ertələnib.

Hava reyslərinin təxirə salınmasına və ertələnməsinə səbəb, meteoroloqların güclü qar çovğunu proqnozlaşdırmasıdır.

Onların hesablamalarına görə, Rusiya paytaxtına təkcə iki gün ərzində yarım aylıq yağıntı normasının düşəcəyi gözlənilir.