Azərbaycan Respublikasının 14 aprel 2017-ci il tarixli 585 nömrəli əmrinə əsasən körpələr evi uşaq baxçasında 3 aydan 6 aya kimi, 6 aydan 1 yaşa kimi körpələr qəbul edilə bilər.

Median.az bildirir ki, ARB TV-nin "Günə doğru" proqramı mövzuyla bağlı maraqlı süjet hazırlayıb.

Valideyn: "Körpələr qrupu olsa, yaxşı olardı ki, analar gedib işləyə bilsin, həm də ürəkləri rahat olsun ki, uşağa baxan var".

Lənkəranda 53 bağça var ki, onlardan yalnız ikisi - 16-17 saylı körpələr evi - uşaq baxçası fəaliyyət göstərir.

Bayramova Gülarə - bağça müdirəsi: "Biz 1 yaşlı körpəni qəbul edə bilirik. Hazırda 1 və 2 yaş arası körpələr qrupumuz var"

Bağçalarsa azyaşlı körpələrin az halda bağçaya gətirildiyini və buna görə də həmin yaş üzrə qrup yarada bilmədiklərini əsas gətirir.

Fərzullayeva Səbirə - bağça müdirəsi: "6 aylığından 1 yaşa qədər uşaqlarımız yoxdur. Bəzi valideyinlər uşaqları ev şəraitində təlim-tərbiyə verməyə üstünlük verir. Amma bizim, xüsusən də körpələr qurupunda işləyən tərbiyəçilərimiz var və onlara ana qayğısı göstərilir".

Mütəxəssislər bildirir ki, körpələrin 1 yaşından başlayaraq bu müəsissələrə verilməsi onların gələcək inkişafına da müsbət təsir göstərir.

Pişanova Solmaz - Baş tibb bacısı: "Körpə nə qədər tez bağçaya qoyularsa, bir o qədər tez inkişaf edər. Çünki burada uşaqlar rejimə düşür və bezdən istifadəyə gərək qalmır".

Qeyd edək ki, qrupların komplektləşdirilməsi hər ilin may ayından başlayaraq sentyabradək, uşaqların məktəbəqədər təhsilə qəbulu isə iyunun 1-dən avqustun 31-dək həyata keçirlir.

скачать dle 11.3