Median.Az xəbər verir ki, Xətai RPİ 37-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində “VAZ-2107” və “Opel” markalı avtomobillərdən pul və sənəd oğurlayan Bakı şəhər sakini Rəhim Ələkbərov saxlanılıb.

Araşdırma zamanı, saxlanılan şəxsin ayrı-ayrı vaxtlarda rayon ərazisində daha 5 avomobildən pul, məişət və geyim əşyaları oğurlaması məlum olub.

Bundan başqa, Xətai RPİ 34-cü polis şöbəsi əməkdaşlarının keçirdikləri əməliyyat tədbirləri nəticəsində təmir sexindən 800 manat dəyərində mis qırıntıları oğurlayan Bakı şəhər sakini Oman Afonin və Yevlax rayon sakini, əvvəllər məhkum olunmuş Aqşin Salmanov saxlanılıblar.

Faktlarla bağlı CM-nin 177-ci (oğurluq) maddəsi ilə istintaq aparılır.скачать dle 11.3