İlham Əliyev Cəlil Məmmədquluzadənin yubileyi ilə bağlı sərəncam imzaladı » Median.Az - Bütün xəbərlər bir ünvanda
23:01 Süni intellektə görə varlılar və kasıblar arasında uçurum böyüyür - BMT  |     22:55 Myanmada yenidən zəlzələ oldu  |     22:37 Vətən müharibəsi qazisi faciəli şəkildə həlak oldu  |     22:26 "TikTok"da təhlükəli "ritual oyunu" yayılır: Psixoloq xəbərdarlıq edir  |     22:17 Yayda bahalaşma olacaq? - Hər kəsi düşündürən məsələyə aydınlıq gətirildi  |     22:10 Bakı ilə birgə irimiqyaslı layihəyə başlamışıq - Tokayev  |     22:03 Qəzada ölən Vətən müharibəsi qazisi imiş  |     21:58 Bu supermarket məhsulu üzərindəki qiymətdən baha satırmış  |     21:50 Meteohəssas insanlar üçün sabahın PROQNOZU  |     21:42 Bakıda ər boşanmaq istəyən arvadının qulağını kəsdi  |     21:31 Azərbaycan XİN Ermənistanı ərazisinə yerləşdirdiyi minalarla bağlı dəqiq məlumatı verməyə çağırıb  |     21:20 Bu ölkə Ukraynanı terrorçu dövlət adlandırıb  |     21:11 Səltuk Düzyol: "TANAP istismara veriləndən Türkiyə və Avropaya 77,6 milyard kubmetr qaz tədarük edilib"  |     20:49 General Azər İbrahimov Müdafiə Nazirliyində yüksək vəzifəyə təyin olundu  |     20:35 Şuşa Dövlət Musiqili Dram Teatrında yeni baş rejissor təyinatı  |     20:15 Myanmada zəlzələ nəticəsində ölənlərin sayı 33 01 nəfəri keçib  |     20:13 Azərbaycanda universitet binası SÖKÜLÜR  |     19:53 Xaçmazda anbar və satış mağazasında nöqsanlar aşkarlandı  |     19:41 Moskva vilayətində terror aktının qarşısı alınıb  |     19:30 Bakı şəhər İcra Hakimiyyətinin başçısına yeni müavin təyin edildi  |    

İlham Əliyev Cəlil Məmmədquluzadənin yubileyi ilə bağlı sərəncam imzaladı

Prezident İlham Əliyev Cəlil Məmmədquluzadənin 150 illik yubileyinin qeyd edilməsi haqqında sərəncam imzalayıb.

Median.az
xəbər verir ki, 2019-cu ildə Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim Cəlil Məmmədquluzadənin anadan olmasının 150 illiyi tamam olur.

Cəlil Məmmədquluzadə Azərbaycan ədəbiyyatının yeni mərhələyə yüksəlməsində müstəsna rol oynamış və bütöv bir ədəbi məktəb formalaşdırmış qüdrətli şəxsiyyətdir. Vətəndaş yazıçının bədii nailiyyətlərlə zəngin irsində azərbaycançılıq məfkurəsi dövrün ictimai-siyasi fikrinin aparıcı amili kimi dolğun ifadəsini tapmışdır. Sənətkar həyat həqiqətlərini, ictimai mühiti hərtərəfli əks etdirən və bədii-estetik dəyər daşıyıcısına çevrilən rəngarəng obrazlar qalereyası yaratmışdır. Ana dilinin saflığı uğrunda daim mübarizə aparmış Cəlil Məmmədquluzadənin meydana gətirdiyi qiymətli dram və nəsr əsərləri, parlaq publisistika dərin humanist məzmuna malik olub, özündə milli və ümumbəşəri dəyərlərin vəhdətini ehtiva edir. Azərbaycanda və onun hüdudlarından kənarda geniş yayılaraq milli oyanışa, yeniləşmə hərəkatına yol açan və azadlıq ideyalarının inkişafına qüvvətli təsir göstərən “Molla Nəsrəddin” jurnalı məhz Mirzə Cəlil dühasının məhsuludur.

Sərəncamda qeyd edilir ki, Mədəniyyət Nazirliyi Azərbaycan Respublikasının Təhsil Nazirliyi və Azərbaycan Milli Elmlər Akademiyası ilə birlikdə, Azərbaycan Yazıçılar Birliyinin təkliflərini nəzərə almaqla, böyük demokrat ədib Cəlil Məmmədquluzadənin 150 illik yubileyinə dair tədbirlər planını hazırlayıb həyata keçirsin.

Nazirlər Kabinetinə tapşırılır ki, bu Sərəncamdan irəli gələn məsələləri həll etsin.скачать dle 11.3




Şahidi olduğunuz hadisələri çəkib bizə göndərin!




            1 969 17.01.19 20:45