Median.Az xəbər verir ki, DİN Baş Mütəşəkkil Cinayətkarlıqla Mübarizə və Baş Dövlət Yol Polisi idarələri əməkdaşlarının Qaradağ rayonu ərazisində birgə keçirdikləri əməliyyat tədbiri nəticəsində Bakı şəhər sakinləri İlkin Əliyevdən və Rüstəm Kərimlidən 8 kq. 260 qram tiryək və 6 kq. heroin götürülüb.
Bundan başqa, Bakı şəhər Baş Polis İdarəsinin Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Maştağa qəsəbə sakini, əvvəllər məhkum olunmuş Müzəffər Həsənov narkotik vasitə olan heroini şərti alıcıya satarkən tutulub. Onun evindən 3 kq.-dan artıq heroin aşkar edilib.
Səbail RPİ əməkdaşlarının keçirdikləri əməliyyat tədbiri nəticəsində Abşeron rayon sakini Samir Qəmbərov saxlanılıb, ondan 13,5 kq. yaxın marixuana götürülüb.
Yasamal RPİ 26-cı polis bölməsi əməkdaşlarının keçirdikləri əməliyyat tədbir nəticəsində saxlanılan şəhər sakini, əvvəllər məhkum olunmuş Həbib Məmmədzadənin üzərindən və evindən 1,3 kiloqramdan çox heroin aşkar edilib.
Faktlarla bağlı CM-nin 234.4.3-cü (qanunsuz olaraq satış məqsədi ilə külli miqdarda narkotik vasitələri əldə etmə və saxlama) cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə