Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat tədbiri nəticəsində H.Z.Tağıyev qəsəbə sakini, əvvəllər məhkum olunmuş Ş.Mütəllimovdan şəxsi axtarış zamanı 450 qram marixuana aşkar edilib.
Bundan başqa, Daşkəsən RPŞ əməkdaşlarının keçirdikləri əməliyyat tədbiri nəticəsində Şərur rayon sakini, əvvəllər məhkum olunmuş Yaşar Şəfiyevdən 385 qram marixuana götürülüb.
Masallı RPŞ-nin əməkdaşları şəhər sakini, əvvəllər məhkum olunmuş M.Nağıyevdən 40 qrama yaxın tiryək aşkar ediblər.
Quba RPŞ əməkdaşlarının keçirdikləri əməliyyat tədbiri nəticəsində rayon sakini V.Babayev saxlanılıb. Şəxsi axtarış zamanı ondan, sellofan bükümdə 130 qrama yaxın heroin aşkarlanıb. Onun rayon ərazisində yerləşən qəbirstanlıqda sellofan bükümdə 231 qram heroin tapılıb.
Kəpəz RPİ-nin əməkdaşları Gəncə şəhər sakini, əvvəllər məhkum olunmuş E.Fərəcovun evindən 75 qramdan artıq marixuana və 5 qram heroin götürüblər.
Faktlarla bağlı cinayət işləri başlanılıb.
Şahidi olduğunuz hadisələri çəkib bizə göndərin!
Son Əlavə