Bakıda magistral su kəmərində qəza olub - VİDEO
Paytaxtın Binəqədi rayonunda magistral su xəttində qəza baş verib.
Bu barədə oxu.az-a “Azərsu” ASC-nin mətbuat xidmətinin rəhbəri Anar Cəbrayıllı məlumat verib.
O bildirib ki, Binəqədi rayonu ərazisindən keçən magistral xətlərdə qəza olub:
“Sözügedən ərazidə baş verən qəza səbəbindən suyun verilişi dayandırılıb. Magistral kəmər 132 saylı şimal su anbarına birləşdirilib. Binəqədi rayonu ərazisində əhalinin içməli su ilə təmin olunmasında heç bir problem yoxdur. Anbarda kifayət qədər suyumuz var. “Azərsu” ASC-nin qəza briqadası artıq hadisə yerində cəlb edilib. Günün ikinci yarısına qədər problem tam olaraq aradan qaldırılacaq”.
Qəza səbəbindən yolun Biləcəri istiqamətinə gedən hissəsində yollarda nəqliyyatın sıxlığı da müşahidə edilir.
