Səhiyyə Nazirliyi tərəfindən H1N1 virusuna (“donuz qripi”) yoluxmanın qarşısını almaq üçün lazımi tədbirlər həyata keçirilir.
Bunu Oxu.Az-a açıqlamasında Respublika Taun Əleyhinə Stansiyasının Epidemioloji tədqiqat şöbəsinin müdiri Kamran Əfəndiyev bildirib.
Onun sözlərinə görə, Azərbaycanda H1N1 virusuna yoluxan insan qeydiyyata alınmayıb:
“Səhiyyə Nazirliyi tərəfindən H1N1 virusu ilə bağlı tapşırıq verilib. Respublika Sanitariya-Karantin Müfəttişliyi tərəfindən sərhəd-keçid məntəqələrində - vağzallarda, “Azərbaycan Hava Yolları”nda (AZAL) ölkəyə daxil olan fiziki şəxslər üzərində tibbi müayinə aparılır, o cümlədən məsafədən insan bədəninin hərarətini ölçən “Termovizor” aparatı vasitəsi ilə nəzarət edilir.
İl boyu müfəttişliyin həkimləri gücləndirilmiş iş rejimində işləyirlər. Temperaturu olan xəstələr olan zaman həkim xəstələr nəzarətə götürülür. Bu cür hallar olanda nəzarət daha da gücləndirilir”.
Qida Təhlükəsizliyi Agentindən sorğumuza cavab olaraq bildirilib ki, H1N1 virusunun qonşu ölkələrdə yayılması ilə bağlı BMT-nin Ümumdünya Heyvan Sağlamlığı Təşkilatı müvafiq qaydada məlumat yayımlamayıb:
“Eyni zamanda, Gürcüstan ilə sıx əməkdaşlığımız var və bu ölkədən xəstəlik barədə hər hansı məlumat daxil olmayıb. H1N1 virusunun yayılması təhlükəsi ilə bağlı məlumat daxil olarsa Agentlik tərəfindən Ümumdünya Heyvan Sağlamlığı Təşkilatının tələblərinə uyğun addımlar atılacaq”.
Qeyd edək ki, Gürcüstanda H1N1 virusundan iki nəfər ölüb.
Şahidi olduğunuz hadisələri çəkib bizə göndərin!
Son Əlavə