Median.Az xəbər verir ki, Nizami RPİ 25-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində dekabrın 10-da rayon ərazisindən, Bakı şəhər sakini Seymur Mehrəliyevin “Mercedes” markalı avtomobilini qaçıran paytaxt sakini Mətin Məmmədov H.Əliyev prospektində avtomobillə birgə saxlanılıb.

Avtomobilə baxış zamanı, ön hissəsinin əzik vəziyyətdə olması müəyyən edilib.

Bundan başqa, dekabrın 5-də Nəsimi rayonu ərazisindən “Haojue” markalı motosikleti qaçıran Kürdəmir rayon sakini Lətif Rəsulov nəqliyyat vasitəsi ilə birgə 19-cu polis şöbəsinin əməkdaşları tərəfindən saxlanılıb.

Faktlarla bağlı araşdırmalar aparılır.скачать dle 11.3