Median.Az xəbər verir ki, Sumqayıt ŞPİ əməkdaşlarının keçirdikləri əməliyyat tədbiri nəticəsində N.Nəsibovanın, içərisində 700 manat, 500 dollar və sənədlər olan çantasını oğurlayan şəhər sakini Zaur Rzayev saxlanılıb. Araşdırma zamanı məlum olub ki, onun bir qadının, içərisində 285 manat, 1 ədəd qızıl üzük, mobil telefon və sənəd olan çantasını, digər qadının isə mobil telefonunu oğurlaması müəyyən edilib.

Bundan başqa, Sumqayıt ŞPİ 2-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu ilin fevral-oktyabr ayları ərzində, şəhər ərazisindəki 5 evdən təmir-tikinti alətləri və elektrik naqili, habelə bir vətəndaşın cibindən, bir nətəndaşın isə çantasından ümumilkdə 213 manat pul oğurlayan şəhər sakini, əvvəllər məhkum olunmuş Bəradər Ağamalıyev saxlanılıb.

Sumqayıt ŞPİ İstintaq şöbəsində CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.скачать dle 11.3