Taksidə siqaret çəkənlərə kim nəzarət edəcək? » Median.Az - Bütün xəbərlər bir ünvanda
23:01 Bu ölkədə şahmat qadağan edildi  |     22:50 Temperatur 4-6 dərəcə aşağı enəcək – XƏBƏRDARLIQ  |     22:45 1 manat 18 qəpiyə gələn meyvə bizə 5 manata satılır  |     22:38 Yaponlar indi də çamurdan ət hazırlayacaq  |     22:29 Dünyada bu ilin ən populyar avtomobili AÇIQLANDI  |     22:24 Azərbaycanda bu siqaretlər bahalaşır - MƏBLƏĞ  |     22:18 Nadir brilyant hərraca çıxarılacaq  |     22:13 Əcnəbilər ƏDV-ni geri ala bilərlərmi?  |     22:05 Azərbaycan Hindistanla Pakistan arasında elan edilmiş atəşkəsi alqışlayır  |     22:00 Liftlərdə güzgü niyə olur? - Cavab düşündüyünüz qədər sadə deyil!  |     21:54 Qeyri-adi təbiət hadisəsi: Bostona yağan qırmızı qarın arxasındakı qaranlıq həqiqət  |     21:45 PFL prezidentinin əməliyyatı təxirə salınıb, bərpa prosesi davam etdiriləcək  |     21:40 MN-in milyonluq mənimsəməyə görə tutulan sabiq xidmət rəisi əmlakları ilə bağlı şikayət etdi  |     21:32 Yasamalda qəbirlər başqalarının dəfni üçün təklif edilir? - VİDEO  |     21:26 Dahilər daha çox hansı ailələrdə böyüyür? - Alimlərdən təəccübləndirən araşdırma  |     21:19 9,3 milyon mənimsəmədə ittiham olunan polkovnik-leytenant əmlaklarını geri istəyir  |     21:14 Ən bahalı 10 azərbaycanlı futbolçu (SİYAHI)  |     21:05 Çindən Azərbaycana idxal edilən kürülər bazarda neçəyə satılır? - VİDEO  |     20:59 Gəncədə avtomobilin vurduğu piyada xəstəxanada ölüb  |     20:51 Türkiyə Superliqası klubu baş məşqçisi ilə yolları ayırıb  |    

Taksidə siqaret çəkənlərə kim nəzarət edəcək?

Məlum olduğu kimi, Milli Məclisin (MM) payız sessiyasının dünən keçirilən ilk plenar iclasında İnzibati Xətalar Məcəlləsinə mühüm dəyişikliklər edilib.

Belə ki, məcəllənin 212-ci (Tütün məmulatının istehlakına dair məhdudiyyətlərə riayət edilməməsi) maddəsinə 5-ci bənd əlavə olunub.

Əlavə edilən bənddə qeyd olunub ki, “Tütün məmulatlarının istifadəsinin məhdudlaşdırılması haqqında” qanunla qadağan edilən yerlərdə (tütün çəkmək üçün təşkil edilmiş xüsusi yer istisna olmaqla) tütün çəkilməsinə şərait yaradılmasına, yaxud tütün çəkilməsinin təklif edilməsinə görə vəzifəli şəxslər 500 manat, hüquqi şəxslər 1200 manat məbləğində cərimə ediləcək.

Bundan başqa, tütün məmulatları tullantılarının ətraf mühitə atılmasına görə 50 manat məbləğində cərimə nəzərdə tutulub.

Yetkinlik yaşına çatmayanlara tütün məmulatı almaqla, verməklə, tütün məmulatlarından istifadəyə təklif və ya tələb etməklə, onların tütündən istifadə prosesinə cəlb edilməsinə görə 100 manat məbləğində cərimə nəzərdə tutulub.

Həmçinin, taksidə siqaret çəkən şəxslər cərimələnəcəklər.

İnzibati Xətalar Məcəlləsinə edilən növbəti dəyişikliyə əsasən, sərnişin daşımaları üzrə ümumi istifadədə olan avtomobil nəqliyyatı vasitəsində və taksi minik avtomobilində tütün məhsulları, o cümlədən siqaret çəkənlər 40 manatdan 50 manata qədər məbləğdə cərimələnəcəklər.

Bəs görəsən, nəzarət funksiyasını hansı qurum və necə həyata keçirəcək?

Bununla bağlı Oxu.Az-a açıqlamasında millət vəkili Musa Quliyev bu funksiyanı yol polisinin həyata keçirəcəyini bildirib:

“Bildiyiniz kimi, biz dünən Məcəlləyə müvafiq dəyişiklikləri qəbul etdik. İndi onun imzalanaraq, hüquqi qüvvəyə minməsi qalır. Yəni, cənab prezident İlham Əliyev həmin qanunu imzaladıqdan sonra bu yöndə nəzarət funksiyasını hansı qurumun həyata keçirəcəyi dəqiq bilinəcək. Ancaq çox böyük ehtimalla bu funksiya Dövlət Yol Polisinə veriləcək. Çünki dünya təcrübəsində belədir ki, bu məsələlərə nəzarəti daha çox yol polisləri həyata keçirir.

Bu baxımdan, bizdə də bu təcrübədən istifadə edilməsi daha çox gözlənilən və ehtimal olunandır. Kimlər ki, qanunvericiliyin tələblərini pozacaqlar, o zaman qanunauyğun şəkildə cəzalandırılacaqlar”, - deyə M.Quliyev əlavə edib.скачать dle 11.3




Şahidi olduğunuz hadisələri çəkib bizə göndərin!




            3 536 02.10.18 13:32