Bakıda narkotik satışı ilə məşğul olan 2 nəfər saxlanılıb

Median.Az xəbər verir ki, Suraxanı RPİ-nin 30-cu polis şöbəsi əməkdaşlarının əməliyyat-axtarış tədbirləri nəticəsində Binə qəsəbə sakini Novruz Hüseynovun həyətyanı sahəsindən 1 kq. 150 qram marixuana və kultivasiya yolu ilə yetişdirilmiş 16 ədəd çətənə kolu aşkar edilərək götürülüb.

Bundan başqa, Binəqədi RPİ-nin 6-cı polis bölməsinin əməkdaşları Biləcəri qəsəbə sakini Aynur Həsənovdan heroin aşkar ediblər. Davam etdirilən tədbirlərlə onun yaşadığı evdən əlavə olaraq heroin, psixotrop vasitə- metamfetamin, həmçinin 1 ədəd pnevmatik tapança və tərəzi aşkar edilərək götürülüb.

Faktlarla bağlı cinayət işləri başlanılıb, istintaq gedir.