Median.Az xəbər verir ki, Nəsimi RPİ 20-ci polis bölməsi əməkdaşlarının keçirdikləri əməliyyat-axtarış tədbirləri nəticəsində iyulun 21-də paytaxt sakini olan bir qadının, içərisində 90 manat olan pulqabısını oğurlayan Ağdaş rayon sakini Aqşin Əzizov saxlanılıb.

Bundan başqa, Yasamal RPİ 28-ci polis bölməsi əməkdaşlarının əməliyyat-axtarış tədbirləri nəticəsində, bu il martın 2-də rayon ərazisindəki avtomobildən akkumulyator oğurlayan Bakı şəhər sakini, əvvəllər məhkum olunmuş Yusif Alıyev saxlanılıb, Xətai RPİ 36-cı polis bölməsinin əməkdaşları əməliyyat-axtarış tədbirləri nəticəsində, mayın 31- və avqustun 11-də rayon ərazisindəki bir kafedən və bir avtomobil təmiri sexindən ərzaq məhsulları, məişət əşyaları və təmir-tikinti alətləri oğurlayan Bakı şəhər sakini Ülvi Musayevi saxlayıblar, Abşeron RPİ əməkdaşlarının əməliyyat-axtarış tədbirləri nəticəsində, avqustun 28-də rayon ərazisindəki çay evindən 6 ədəd televizor oğurlayan Xırdalan şəhər sakinləri Toğrul Mirzəyev, Elvin İbrahimli və əvvəllər məhkum olunmuş Tural Məhərrəmov saxlanılıblar. Araşdırma zamanı onların bu il mayın 18- və avqustun 11-də bir kompyuter oyunları salonundan və iki avtoyuma məntəqəsindən 3100 manat dəyərində 8 ədəd oyun aparatı, 20 ədəd pult və məişət əşyaları oğurlamaları müəyyən edilib.

Sumqayıt ŞPİ 1-ci polis bölməsinin əməkdaşları əməliyyat-axtarış tədbirləri nəticəsində avqust ayı ərzində şəhər ərazisindəki iki evdən 120 metr elektrik naqili və təmir-tikinti alətləri oğurlayan şəhər sakini, əvvəllər məhkum olunmuş Nəriman Səmədovu saxlayıblar, Masallı RPŞ, Sabunçu RPİ və Sumqayıt ŞPİ əməkdaşlarının birgə keçirdikləri əməliyyat-axtarış tədbirləri nəticəsində iki evdən qızıl əşyalar oğurlayan Bakı şəhər sakini Teyyub Muradov Sumqayıt şəhəri ərazisində saxlanılıb. Araşdırma zamanı onun iyulun 18-də Masallı rayonunun Səmidxan kəndindəki evdən 300 manat, sənəd və məişət əşyaları oğurlaması məlum olub.
Şəmkir RPŞ və Qusar RPŞ əməkdaşlarının birgə keçirdikləri əməliyyat-axtarış tədbirləri nəticəsində avqustun 30-da Şəmkir rayonu ərazisindəki evdən 1200 manat, qızıl əşyalar və mobil telefon oğurlayan Anar Nağdıyev saxlanılıb, Neftçala RPŞ-nin əməkdaşları əməliyyat tədbirləri ilə sentyabrın 3-də rayon ərazisindəki evdən 550 manat dəyərində qızıl üzük oğurlayan şəhər sakini Vüsalə Məcidovanı saxlayıblar.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3