Bakının bu qəsəbəsində su yox, küçəyə isə ad verilməyib – FOTOLAR
10.04.2018 13:18 3 748
Xəzər rayonu Türkan qəsəbəsi Üzümçülük sovxozu ərazisində yaşayan vətəndaşlar asfalt yolun, su və kanalizasiya xəttinin çəkilməməsindən şikayətçidi. Onların bir problemi də yaşayış massivinə küçə adlarının verilməməsidi.
“Ən dözülməz vəziyyət susuzluq probemi ilə bağlıdı. Suyun tonunu 6 manata alırıq. Ödəniş etməyə imkanımız yoxdur. Çatdıra bilmirik. Küçə adların olmaması nəticəsində təcili tibbi yardım maşınları lazımi ünvanı tapa bilmirlər”,-deyə sakin bildirib.
“Azərsu” Açıq Səhmdar Cəmiyyətinin mətbuat xidməti və ictimai əlaqələr şöbəsinini rəhbəri Anar Cəbrayıllı “Bizim Yol”a bildirib ki, Xəzər rayonu Türkan qəsəbəsi Üzümçülük sovxozu ərazisində su və kanalizasiya xəttinin çəkilməsini nəzərdə tutuan layihə var: “Layihələrimiz var. Maliyyə ayrılandan sonra layihə icra olunacaq”.
