İlham Əliyev “Şahdağ”da xizək sürüb – FOTO » Median.Az - Bütün xəbərlər bir ünvanda
17:57 İranlı futbolçunun müəmmalı ölümü – Evində qan içində tapıldı  |     17:53 Goranboyda suvarma kanalı daşıb, evləri və həyətyanı sahələri su basıb  |     17:52 Bakı, Sumqayıt, Bərdə, Tovuz və İsmayıllıda yaşıllıqlar qanunsuz kəsilib  |     17:50 Qubad İbadoğlunun qardaşı da məsuliyyətə cəlb olundu  |     17:41 Bakıda leysan olacaq - XƏBƏRDARLIQ  |     17:37 Naxçıvanda 13 milyon manatlıq tender ELAN EDİLDİ  |     17:20 Azərbaycanda "Hava gəmisində silahın daşınması Qaydası" dəyişib  |     16:43 Rusiya və ABŞ birbaşa uçuşların bərpasını müzakirə edirlər  |     16:39 Bakıda kirayənişin qaldığı mənzilin 33 minlik əşyasını satdı - HÖKM  |     16:33 Bakıda şagird dərs zamanı özünü məktəbin binasından atdı  |     16:20 Azərbaycan millisinin gimnastı Dünya Kubokunun finalına yüksəldi  |     16:03 Keçmiş bələdiyyə sədrinə hökm oxundu  |     15:45 Xankəndidən olan zərərçəkmiş: "Koçaryan kombinatda dəzgah yağlayırdı, sonra komsomol katibi oldu"  |     15:33 Azərbaycanlı kikboksçu dünya kubokunun qalibi oldu  |     15:30 Türkiyədə yüksəkçinli məmuru müşayiət edən avtomobillər qəzaya düşüb, ölənlər var  |     15:15 Ceyhunun qətli ilə bağlı komandirinə - 5 il həbs tələbi  |     15:08 Türkiyə və Ermənistanın xüsusi nümayəndələri Antalyada görüşüb  |     14:58 Hərbi forma geyinməyə xüsusi günlərdə icazə veriləcək  |     13:48 ABŞ-də 2 təyyarə toqquşdu  |     13:44 Taylor Svift Kanye Uesti məhkəməyə verdi  |    

İlham Əliyev “Şahdağ”da xizək sürüb – FOTO

Azərbaycan Respublikasının Prezidenti İlham Əliyev yanvarın 30-da Qusarda “Şahdağ” qış-yay turizm kompleksinin növbəti inkişaf planları ilə tanış olub.

Azərbaycan Respublikası Baş nazirinin birinci müavini Yaqub Eyyubov Prezident İlham Əliyevə “Şahdağ” qış-yay turizm kompleksinin hazırkı vəziyyəti və burada bu il ikinci mərhələdə görüləcək işlər barədə məlumat verdi. Qeyd edildi ki, burada dəniz səviyyəsindən 2350 metr yüksəklikdə 5 nömrəli lift meydançası inşa ediləcək və 4,2 kilometr uzunluğunda yeni eniş zolağı tikiləcək. Bu, ən uzun zolaq olmaqla yanaşı, mürəkkəbliyinə görə də qırmızı dərəcəli zolaq olacaq.

Həmçinin dövlətimizin başçısına məlumat verildi ki, bu il kompleksin əsas meydanında əyləncə infrastrukturunun qurulması da planlaşdırılır. Burada “Boulinq”, tennis və digər stolüstü oyunlar zalı, kinoteatr, musiqi mərkəzi, həmçinin suvenir mağazaları, iaşə və xidmət obyektləri inşa ediləcək.

Kompleksin yay mövsümündə də xidmət göstərməsi üçün burada göl yaradılacaq. Yay mövsümündə turistlər bu göldə həm üzəcək, həm də qayıqlarla səyahət edəcəklər. Qış mövsümündə isə bu göldən qaryaratma üçün ehtiyat mənbəyi kimi istifadə olunacaq.

İkinci mərhələdə görülməsi planlaşdırılan işlərə bu ilin yaz aylarından başlanılacaq. Bunun üçün indidən hazırlıq işləri görülür.

Dövlətimizin başçısına kompleksin yol infrastrukturu barədə də ətraflı məlumat verildi. Bildirildi ki, kompleksin ərazisindən keçən Qusar-Ləzə yolu onun kənarından inşa olunacaq. Bu da imkan verəcək ki, yuxarı kəndlərin sakinləri kompleksin ərazisinə daxil olmadan hərəkət etsinlər. Hazırda bu yolun yarısının torpaq yatağı hazırlanıb. Qalan işlərin ilin sonuna qədər tamamlanması nəzərdə tutulur. Bu yeni yoldan kompleks ərazisinə iki giriş nəzərdə tutulub. Kompleksin girişində böyük avtomobil dayanacağının da istifadəyə verilməsi planlaşdırılır.

Məlumat verildi ki, kompleksin üçüncü mərhələsi ilə bağlı layihələndirmə işləri aparılır.

Kompleksin əsas meydanının ərazisi ilə tanış olan dövlətimizin başçısı tapşırıq və tövsiyələrini verdi.

Sonra Prezident İlham Əliyev “Şahdağ” qış-yay turizm kompleksində xizək sürdü.




















скачать dle 11.3




Şahidi olduğunuz hadisələri çəkib bizə göndərin!




            5 247 30.01.18 13:30