Şahbuz rayonunda baş verən ağır avtomobil qəzasında xəsarət alanların vəziyyəti açıqlanıb.

Median.Az "Report"a istinadla xəbər verir ki, bu barədə Naxçıvan Muxtar Respublikası Mərkəzi Xəstəxanasının həkimi Nurlan Cəfərov jurnalistlərə açıqlamasında bildirib.

O qeyd edib ki, yaralılar saat 21 radələrində xəstəxanaya yerləşdiriliblər: "Xəstəxanaya 9 yaralı daxil olub. Onlardan 3-ü körpə, 5-i qadın, 1-i isə orta yaşlı kişidir. Yaralılardan iki nəfərin vəziyyəti ağır, digərlərinin isə orta ağır qiymətləndirilir. Hazırda onların müalicəsi stasionar şöbədə davam etdirilir".

* * * * *

4 sentyabr

Şahbuzda ağır qəza baş verib.

Median.Az "Report"a istinadla xəbər verir ki, hadisə rayonun Gömür kəndində qeydə alınıb.

Dağlıq ərazidə hərəkətdə olan "Toyota Prado" markalı, 68-BE-050 dövlət qeydiyyat nişanlı avtomobil aşıb.

Qəza nəticəsində Şərur rayonunun Oğlanqala kənd sakinləri - 1975-ci il təvəllüdlü Nazim Abdullayev, onun qızı, 2017-ci il təvəllüdlü F.Abdullayeva və 2006-cı il təvəllüdlü Pərvin Şıxəliyev həlak olublar.

Daha 9 nəfər - 2025-ci il təvəllüdlü V.Şıxəliyeva, 2025-ci il təvəllüdlü R.Abdullayev, 2004-cü il təvəllüdlü Nəzrin İsmayılova, 2025-ci il təvəllüdlü U.İsmayılov, 1985-ci il təvəllüdlü Sərraf Abdullayev, 2010-cu il təvəllüdlü Ceyran Abdullayeva, 2016-cı il təvəllüdlü F.Şıxəliyeva, 1983-cü il təvəllüdlü Vüsalə Abdullayeva və 2014-cü il təvəllüdlü G.Şıxəliyev xəsarət alıblar.

Xəsarət alanlar Naxçıvan Muxtar Respublikası Xəstəxanasına çatdırılıblar.

Hadisə yerinə hüquq-mühafizə orqanlarının əməkdaşları cəlb olunublar.

Faktla bağlı araşdırma aparılır.
скачать dle 11.3