Bakıda anasını qətlə yetirən və bir neçə gün öncə Bakı Ağır Cinayətlər Məhkəməsinin hökmü ilə 18 il müddətinə azadlıqdan məhrum edilən Emil Ağayevin verdiyi ifadələr müəyyən olub.

O, məhkəmə iclasında 1959-cu il təvəllüdlü anası Həyat Ağayevanı "TikTok"da başqa şəxslərlə danışdığı üçün öldürdüyünü bildirib.

"Ömürlük cəza verilsə də, namusumu təmizlədiyim üçün vicdanım rahatdır. Mənə qarşı pis ana olmasa da, davanışlarına dözə bilmədim. 67 yaşı var idi, yaşına uyğun bəzənmirdi. "TikTok"dan istifadə etməsi məndə qıcıq yaradırdı. Anamı öldürməyimə səbəb hadisə baş verməzdən əvvəlki gecə onun telefonla kiminləsə pıçıltı ilə danışmasıdır. Müstəntiq soruşanda da demişdim ki, anamı "TikTok"dakı yazışmalara görə öldürmüşəm. Ona dəfələrlə xəbərdarlıq etmişdim ki, "etmə, öldürürəm səni", - deyə Emil Ağayev deyib.

Məhkəmədə zərərçəkənin hüquqi varisi Emil Ağayevin anası barədə düz danışmadığını bildirib.

O da məlum olub ki, Emil Ağayev psixotrop dərmandan istifadə edib. Təqsirləndirilən şəxs anasını öldürdüyü üçün çox peşman olduğunu dilə gətirib, hadisə gününə qayıtmaq istədiyini qeyd edib.

Emil Ağayev psixi vəziyyətinin yaxşı olmadığını bildirərək ona yüngül cəza verilməsini istəyib. Mərhumun hüquqi varisi, Həyat Ağayevanın qızı isə qardaşına ömürlük cəza verilməsini məhkəmədən xahiş edib.

Qeyd edək ki, hadisə 2025-ci il yanvarın 24-ü paytaxtın Sabunçu rayonu, Maştağa qəsəbəsində baş verib.

mənbə: xitab24скачать dle 11.3