Palma yağına tələbatı artırdı – Səbəb bu imiş
Dövlət Gömrük Komitəsinin məlumatına görə, 2026-cı ilin yanvar-iyul aylarında ölkəyə idxal olunan kərə və süddən hazırlanan digər yağların həcmi 9.3 faiz və ya 1 548 ton azalaraq aşağı düşüb. Həmin dövrdə ölkədə kərə yağı istehsalında da artım qeydə alınmayıb. Əksinə, istehsal təxminən 10 faiz azalıb. Eyni dövrdə ölkəyə gətirilən bitki və heyvan mənşəli piy və yağların həcmi isə 17.8 faiz və ya 15 769 ton artıb. Belə yağların idxal həcmi kərə yağı idxalından təxminən yeddi dəfə çox olub.
Bu barədə Median.Az-a açıqlama verən iqtisadçı Razi Abbasbəyli bildirib ki, palma yağının Azərbaycana idxalının artması onun ölkədə istifadə sahələrinin genişlənməsi ilə bağlıdır:
“Bunun əsas səbəblərindən biri isə kərə yağının idxal qiymətlərinin bahalaşmasıdır. Azərbaycan Yeni Zelandiya, Belarus və Rusiyadan kərə yağı idxal edir və dünya bazarında qiymətlərin artması bu məhsulun maya dəyərinə də təsir göstərir. Nəticədə daha ucuz alternativ kimi palma yağına tələbat artır. Süd tədarükündə müşahidə olunan azalma da daxili bazarın kərə yağı ilə təminatına mənfi təsir göstərir. Rəsmi statistikada təxminən 10 faiz azalma göstərilsə də, reallıqda geriləmənin daha ciddi olduğu bildirilir. Maldarlıq təsərrüfatlarının sayının azalması, fermerlərin xərclərinin artması və süd istehsalının zəifləməsi daxili tədarükdə problemlər yaradır”.
O qeyd edib ki, daxili istehsalın azalması və xaricdən idxal edilən kərə yağının bahalaşması alternativ məhsullara marağı artırır:
“Palma yağı xüsusilə şirniyyat, qənnadı məhsulları, pizza və digər fast-food məhsullarının istehsalında geniş istifadə olunur. Bu səbəbdən də həmin məhsula bazarda tələbatın artması müşahidə edilir. Hazırda həm daxili süd və kərə yağı istehsalında geriləmə tendensiyası davam edir, həm də dünya bazarlarında kərə yağının qiyməti artır. Bu proses nəticə etibarilə kərə yağının daxili bazarda bahalaşmasına və istehlak payının azalmasına səbəb olur. Mövcud şəraitdə daha münasib qiymətə malik palma yağına tələbatın və onun idxalının artması məhz bu amillərlə əlaqələndirilir”.
Aysel
Bu barədə Median.Az-a açıqlama verən iqtisadçı Razi Abbasbəyli bildirib ki, palma yağının Azərbaycana idxalının artması onun ölkədə istifadə sahələrinin genişlənməsi ilə bağlıdır:
“Bunun əsas səbəblərindən biri isə kərə yağının idxal qiymətlərinin bahalaşmasıdır. Azərbaycan Yeni Zelandiya, Belarus və Rusiyadan kərə yağı idxal edir və dünya bazarında qiymətlərin artması bu məhsulun maya dəyərinə də təsir göstərir. Nəticədə daha ucuz alternativ kimi palma yağına tələbat artır. Süd tədarükündə müşahidə olunan azalma da daxili bazarın kərə yağı ilə təminatına mənfi təsir göstərir. Rəsmi statistikada təxminən 10 faiz azalma göstərilsə də, reallıqda geriləmənin daha ciddi olduğu bildirilir. Maldarlıq təsərrüfatlarının sayının azalması, fermerlərin xərclərinin artması və süd istehsalının zəifləməsi daxili tədarükdə problemlər yaradır”.
O qeyd edib ki, daxili istehsalın azalması və xaricdən idxal edilən kərə yağının bahalaşması alternativ məhsullara marağı artırır:
“Palma yağı xüsusilə şirniyyat, qənnadı məhsulları, pizza və digər fast-food məhsullarının istehsalında geniş istifadə olunur. Bu səbəbdən də həmin məhsula bazarda tələbatın artması müşahidə edilir. Hazırda həm daxili süd və kərə yağı istehsalında geriləmə tendensiyası davam edir, həm də dünya bazarlarında kərə yağının qiyməti artır. Bu proses nəticə etibarilə kərə yağının daxili bazarda bahalaşmasına və istehlak payının azalmasına səbəb olur. Mövcud şəraitdə daha münasib qiymətə malik palma yağına tələbatın və onun idxalının artması məhz bu amillərlə əlaqələndirilir”.
Aysel
