Dünyada toyuq istehsalı son 20 il ərzində demək olar ki, iki dəfə artıb.

Bu barədə “Financial Times” (FT) məlumat yayıb.

Nəşrin məlumatına görə, 2023-cü ildə dünyada 76,2 milyard toyuq yetişdirilib. 2006-cı ildə bu göstərici 48,3 milyard olub. Qlobal tələbatın 1/3-ni Çin və ABŞ təmin edir.

Qeyd olunur ki, XX əsrin böyük hissəsində toyuq əhalinin yalnız az bir hissəsi üçün əlçatan olan bahalı qida seçimi idi. Lakin XXI əsrdə toyuq dünya əhalisinin sevimli zülal mənbəyinə və planetdə ən çox istehlak edilən ət növünə çevrilib.

Ekspertlər hesab edirlər ki, “toyuğun zirvəsi” hələ geridə qalmayıb. Quş ətinin uğuru onun qiyməti, yemlənməsinin səmərəliliyi, sürətli istehsalı və donuz əti və ya mal ətindən fərqli olaraq, mədəni və dini məhdudiyyətlərin olmaması ilə izah edilir.
//qaynar.azскачать dle 11.3